خلية البطاط

الطبق شكله وايد حلو خاصه اذا بتاخذينه معاج حق زواره

المهم الطريقه سهله تسوين حمستج مالت الدياي كل وحده وطريقتها مكن انا اقولكم طريقتي
احمس بصل جوانح مع الدياي الفيوح والمفتت مع فلفل اسود ودارسين وماجي وبقدونس وشويه جبن مازرولا
وتحطينه بالبايركس
وبعدين تكونين فايحه بطاط وهارسته وتحطين وياه ملح وفلفل اسود وشوي كركم او كاري يعني على ذوقج جنج بتسوين صينيه بطاط

تاخذين البطاط وتكورينه صغار صغار كلهم نفس الحجم وتصفينهم فوق حمسه الدياي يم بعض حيل لين يصير عندج مثل شكل الخليه وبعدين دهنيه بالبيض عشان يصير لونه ذهبي

ملاحظه البطاط المهروس لايكون وايد ناعم عشان تقدرين تشكلينه وعشان ما يسيح ويا الطبخ ويروح تعبج عالفاضي

وعليكم بالف عافيه