داتا شو صغير . يهبل ينن لا يطوفكم ابلات شخباري الوسائل

السلام عليكم

شلونكم ابلات شخباركم

الله يعينا رجعنا للدوام والشقى بس يالله هانت كلها جم شهر ونخلص

اليوم بسويلكم رفيوا عن الداتا شو

بما انه هبه يديده عند المعلمات وهابين فيه بقوه

وبما ان موجهتنا تبي حركات بالحاسوب وطريقة شو مبتكره

شفت ابلات روضتنا هابين فيه جان اهب معاهم وبذات السعر مناسب ويدوم

معاك ويشد الاطفال , ويشوق ويفكنا من حوسه وسائل وقص ولزق ومغناطيس

وبالاستخدام صج وايد مريح وانا طلبته من النت

طبعا اختكم عليمية خليت اخوى يطلبه لي وبسرعه وصلنى خلال اسبوع

والميزه اللى فيه انه صغير يختى كبر حجم الريموت يعني قطيه بجنطتك وامشي

بس بنات نصيحه

لا تعطينه احد كلش الحمد لله كل وحده عندها معاش خل تشتري لها

لانه الجهاز مو مال لعب مال تعاملينه بدلال ودلع مو مال فلانه وفلنتانه وتحذف وتكسر وتمرمط

لخذوا منك الوسيله لعنت الساعه اللى عطيتيها فيه يتلج منتفه كانها من زمن الاحفوره

يالله مع الرفيو فديتكم