[ دجاج بدبس الرمان ] مياخذ منج نص ساعه تحضير بس طعمه لذييييييييييييييييييذ

بسم الله الرحمن الرحيم

احد اختراعاتي بالمطبخ طريقه حلوه وسهله والاهم انها ما تاخذ وقت

المقادير :
– دجاجه مغسوله بالخل والثوم والملح ومقطعه اربع قطع
– جزر 3 حبات مبشور
– بصله كبيره مقطعه جوانح
– نص ليمونه
– ملعقة دبس الرمان
– مكعب ماجي + فلفل احمر <<<<<<<<<< احلى من الاسود

– اولا نحط زيت بالمقلا لين يسخن ونقلي الديايه لين تصير صفره بس ونشيلها ما نخليها وايد
– نحط البصل والجزر بالمقلا مال الدياي ونقلي اول شي البصل لين يذبل وبعدين نحط الجزر المبشور ونحط عليهم مكعب الماجي والفلفل الاحمر لين يذوب البصل مع الجزر ونحط عليهم الليمون ودبس الرمان ونخليهم شوي لين تصير صلصه ( اذا ماذاب وايد البصل مع الجزر نحط شوي ماي يعني ملعقتين او ثلاث بس كافي )
– نصف الدجاج بصينيه الفرن ونصب عليه الصلصه ونغطيه بقصدير وندخله الفرن على درجه حراره 170 او 190

– نخليه نساعه وبعدين نشيل القصدير عشان ينشف ماي الدياي شوي واذا نشف وصارت الصلصه ثقيله نشب الفرن من فوق بس عشان تتحمر الديايه

وبالهنا والشفا