تخطى إلى المحتوى
الرئيسية » ✿ درس الأساور الملونــه :: من نـوتيللا :: بالصـــوف ✿ 1

✿ درس الأساور الملونــه :: من نـوتيللا :: بالصـــوف ✿ 1

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم ورحمة الله وبركــاته

اكيد كلكم تعرفون هالاساور.. حدددهم حلوين ولهم اشكال غريبه وعجيبه
يتفننون فيهم البنات ما شاء الله.. وحتى بالمعارض صارو ينباعون
انا عن نفسي احبهم واعرف اسوي وايد ديزايناات
ببلش اعلمكم الاشياء السهله والاساسيه .. وان عجبكم الموضوع والشرح باذن الله بزيد المستوى

الاساور هذي اذا سويتوها بخيوط صوف تطلع مو حلوه ابد .. تتسوى بخيوط قطن .. احلى .. وأرتب .. وأدق
بس انا بشرحلكم بالصوف لأن حجمهم عود وواضح

بسم الله نبتدي

اول شي نختار لنا 3 الوان .. ونقص خيطين طوال من كل لون
نعقدهم ويا بعض ونرتبهم جذي >>

نثبت العقده على أي مكان .. ونبلش نعقد الخيط الاحمر عالخيط اللي وراه "البرتقالي" نفس هالعقده

نسوي عقده ثانيه.. بنفس الخيط.. وبنفس الطريقه .. ونشدها عاللي قبلهــا
وهذي عقدتنا الأساسيــه .. باذن الله اذا عرفتولها عدل راح تتبعوووون وياي بأصعب الاشكال
لأن الفكره وحده

انزين .. الحين نعقد خيطنا الاحمر بنفس الطريقه .. بالخيط الثاني

راح يصير الخيط الاحمر بالوسط

نرد نسوي نفس الخطوات عالخيط اللي باليســـار

لين يوصل الاحمر بالنص

ونعقد الخيطين الحمر مع بعض.. عاد هني نعقده عقدة يسار عقدة يمين كله واحد
اذا ضبطتو العقد لين هني.. تكونووون خالصين

نكرر الخطوات نفسها من الاول لي الخير .. بالخيط البرتقالي .. وبعده الاصفر .. وبعدهم الاحمر مره ثانيه
لين نوصل للطول اللي نبيه

وهذا سوااارنا

عاد تبون دروس بعد ولا لأ؟

ابي رااايكم؟

الوسوم:

14 أفكار بشأن “✿ درس الأساور الملونــه :: من نـوتيللا :: بالصـــوف ✿ 1”

  2. imilla
    الرد

    وعليكم السـلام والرحمه

    امبيه واااايد حلوه الحركه
    وانا عن نفسي أحب هالسوالف لكن اعرف حركات قليله

    ياربيت والله لو تستمرين وتعلمينا .
    يعطيج العآفيه واستمري ترا حركات وشغله حلوه

    مع تحيآتي

  5. hamida
    الرد

    اقتباس:
    المشاركة الأصلية كتبت بواسطة ..بسمة..أمل..
    يعطيييج الف عااافيه يارب
    وااايد حلوو مشاءالله
    ان شاءالله بحاااول اسويها

    الله يعافيج حبيبتي .. ان شاء الله بتضبطينها ترى سهله ما يبيلها شي
    وعاد ورينا تطبيقج

    اقتباس:
    المشاركة الأصلية كتبت بواسطة كويتيه قويه

    وعليكم السـلام والرحمه
    امبيه واااايد حلوه الحركه
    وانا عن نفسي أحب هالسوالف لكن اعرف حركات قليله
    ياربيت والله لو تستمرين وتعلمينا .
    يعطيج العآفيه واستمري ترا حركات وشغله حلوه
    مع تحيآتي

    الله يعااافيج ومشكوووره
    من حلااااا عيوووونج كويتيه .. بعد لو تسوينها بخيط انعم بتصيييير أحلى وأحلى
    الصوف يخفي الملااامح
    وحاضريييين حبيبتي .. ان شاء الله بحاول انزل دروس قد ما اقدر .. وأفييييدكم^^

    اقتباس:
    المشاركة الأصلية كتبت بواسطة حمراويه
    يعطيج العافيه
    شغلج وااايد حلو
    ماشالله

    مشكوووره من ذوقج

    اقتباس:
    المشاركة الأصلية كتبت بواسطة فرح العجرف

    تسلمــــين

    الله يسلمج

  6. inzou07
    الرد
    ياربي اتعقد لما اشوف الطريقه اقول خلاص سهل تافه لكن لما اطبق واي لوعه
    انا احب اسوي اساور واسوي وابدع بس هذيل الي فيهم نربط واشكال ماعرفت اسويهم شفتي الاسواره الي سويتيها بالنص الاحمر ولا البرتقالي الي يوصل بنص يصير فراغ شلون اربطهم بعض

    انا ميته على ماتعلم شلون الزقزاق واي يهبل ؛ عادي اذا تسوين لي ماأردج لوول :d

  7. inzou07
    الرد

    اقتباس:
    المشاركة الأصلية كتبت بواسطة design girl
    ياربي اتعقد لما اشوف الطريقه اقول خلاص سهل تافه لكن لما اطبق واي لوعه
    انا احب اسوي اساور واسوي وابدع بس هذيل الي فيهم نربط واشكال ماعرفت اسويهم شفتي الاسواره الي سويتيها بالنص الاحمر ولا البرتقالي الي يوصل بنص يصير فراغ شلون اربطهم بعض
    انا ميته على ماتعلم شلون الزقزاق واي يهبل ؛ عادي اذا تسوين لي ماأردج لوول :d

    لووووول
    لا ان شاااء الله لا لوووعه ولا شي
    انتي اصلا بس تضبطين طريقــة العقــده كل شي تقدرين تسوينــه .. والسالفه كلها عقدتين بس
    تعلمتيهم + شرح الديزان .. احنا خاالصين

    شوفي بالنسبه للفراغ لمن توصلين للنص يكون عندج نفس اللون .. يعني الاحمر اللي ياي من اليمين
    والاحمر اللي ياي من اليسار .. تربطينهم اثنينهم ببعض
    ويتسكر الفراغ

    واذا ودج بالزقزاااق ولا يهمج باذن الله راح انزل درس عنه

    وحيااج الله حبيبتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.