دشووو بليز دشو بليز التربيه الاساسيه .

اول شي ياقلبي تخصص البدنية ما يقبلونج مني و الطريج
لازم وزن و طول و لياقه و مقاييس معينه
و فوق كل هذا يسوون قرعه بالاسامي عشان يختارون
و النسبة اللي يختارونها بين كل 200 بس 50 طالبه
و الواسطات بعد لاعبه دور كبير

و غير جذي تخصص البدنية متعب
يعني احنا بباجي التخصصات اغلب موادنا 3 وحدات وناخذ بالكورس 5 او 6 مواد يعني 15 الى 18 وحده
بس البدنية كل موادهم وحده و وحدتين
وانتي ملزومة تاخذين من 15 لي 18 وحده كل كورس
يعني عادي بكورس واحد تاخذين 10 مواد ولا 11 ماده
و فوق كل هذا المواد اغلبها عملي و المحاضرات ساعاتها طويله
يعني لا تدشين هالتخصص الا وانتي تبينه حيل حيل وتحبينه

و بعدين لما تروحين مجال التدريس
ابله البدنية اهي ملزومة بالطابور و تعديله و اذاعه وصراخ من صباح الله خير
وابله البدنية ملزومة بكل المناسبات اللي تصير وتدريبات رياضيه و اوبريت و هالخرابيط
و ابله البدنية ملزومة اجبارا لا اختيارا انها تروح مع الرحلات حتى لو كانت بالويك اند
و ابله البدنية معروفه اهي الابلة اللي ملزومة بحركة وروحه ورده وشغل ولوية
و ابله البدنية يكون عندها فرقه تحية العلم وتدريبها و تروح وياهم رحتلهم و تدربهم

يعني ترى البدنية مو عشان ماده مو اساسيه

يعني لها راحه بالعكس ،،

وبنفس الوقت
اذا انتي تفرين بالمسمى او بالشخصيه
طبعا الانقلش احسن
انتي ابله ماده اساسيه غير عن ابله ماده مو اساسيه
و مادتج قوية و حلوة
واذا انتي حابتها كملي فيها وتوكلي على الله
و من ناحيه تصحيح و اوراق عمل و هذا كله سهالات مايبيله شي
يعني انتي ملزومة يوميا مثل اي ابله بالتحضير هذا شي عادي
يعني يفرق معاج اوراق عمل و امتحانات هذا مرتين بالشهر بس
و تفرق معاج درجات راعي ضميرج و خافي ربج وماكو الا كل خير

و كلمة اخيره
لا تخلين الاهل و الناس يختارون مستقبلج
شوفي انتي شنو تبين وانتي شنو تحبين وكملي
ماعليج من احد
عشان انتي باجر لا تتحسفين

واي سؤال انا حاضره