دعوة للصراحة والنقاش بين المعلمة وولية الأمر

موضوع حلو ارجو ان يكون هادف و مرتقي في الحوار

رايي بالموضوع انا اعتقد ان الي يدخل على مرحلة الابتدائية لازم يكون عارف انه راح يتعامل مع فئة عمريه صغيره تتراوح مابين ال 7 سنين الى 10 او 11 سنه

فانا قبل لا ادخل على هلمرحله العمريه المفروض اقرى في سيكيلوجيا النمو التربوي عشان اعرف كيف اتعامل وي هلاطفال
انا اشوف ان التعامل مع هلمرحله جدا مهم و يأثر على باقي المراحل
و هذي المرحله حساسه جدا لانها هي تحدد مهارات الطفل و مواهبه و حبه للتعلم او كرهه

فكل شي بيد المعلمه في هذي المرحله
عمومن الطالب اذا مافهم من حقه تنعاد له المعلومه لو لي اخر الحصه و لي مافهم بعد من باب حرص المعلمه انها تاخذ الطالب او الطالبه في حصص الاحتياط او المواد الغير اساسيه و تشرحله وهني مهم شي اسمه الذمه و الضمير و ان احنه نحب لعيال غيرنه مانحبه لانفسنه و لعيالنه
والله يوفق عيالنه و ربي يعطينه طولت البال ويقدرنه ناخذ بيدهم للامام انشاءالله

اختي بنات حواء ممكن اعرف شنو تخصصج يالغاليه؟؟

و عن نفسي انا

افضل اني اتعامل ويا طالبات شوي فاهميين و مسؤولين

على التعامل مع طالبة انا لازم اخذ بايدها بكل خطوة

لأنه lets face it

صعب حييل اني اخذ بايد 20 طالب بنفس الوقت و زمن قياسي ما طال الساعة

للاسف انه سياسة التعليم بالكويت ماتساعد عالابداع

بس هذا بفتح فيه موضوع خااص بعدين اتطرق له

بس بتطرق لشغلة وحدة بس

المفروض التدريس بالروضة و الابتدائي ينحصر بالتعلم باللعب

التعلم التعاوني

مو التعلم بالتلقين

يعني مايصير توقف الابلة بالوسط و تعطي المعلومات

ماتخلي الطالب يكتشفها ويعرفها

وللاسف اني كمعلمة متوسط همن البيئة الصفية لا تساعد على التدريس والابداع

يعني انا داخل صف صغيييييييييييييييييير و الطوفة مبقعة من الطالبات

واللوحة مالها رووح

يعني بالحضيض

وين البيئات الجاذبة

وين الاشكال الحلوة

نتعب انعلق لوحات علشان انغطي وسخ مايتغطى

وهذا المبنى المدرسي يديييد المدرسة توها فتحت من 3 سنين

؟؟؟؟

مو منطقي صحح

انا اايد التدريس الابتدائي بشرط البيئة الجاذبة

مو وسايل ومادري شنو

لاا شكل الصف التنسيق

والالعاب و الابتكارات و الوسايل التعلمية و التوزيعات و المجموعات

كلها اتساعد عالتدريس

بس اهم شي يكوون في كل صف حماام و فراااشة

معرووفة ليش

علشان ماتخسبق الابلة بوسط الدرس

ريانا انا تخصصي اقتصاد منزلي الي هو الحين علوم اسره و مستهلك مرحلتي متوسطه

معاكم بكل اللي قلتوه بس اللي قالت المرحله الابتدائيه تبتدئ من سبع سنين لا بعضهم يدخل اولى وهو بعده ماكمل الست سنين

يعني توهم صغااار ومو مستوعبين شنو درس
الغلط بالتعليم المفروض من الروضه يعطونهم كتب بسيطه تعلمهم الألوان والاعداد ومنها تعلمهم اهمية الكتاب واشلون يهتمون فيه ويحافظون عليه.
وبخصوص المناهج احسها مليانه حيل ومافي وقت للشرح والتركيز

وصار المهم يخلص المنهج على حساب فهم هالطلبه

انا مااقول الغلط منكم بس شنو الحل