دكتوراشرف عبدالقادر وبداية مشواري معاه

مرحبــــــــــــــــــــا بنـــــــــــــــــــــات

طبعا امس كان اول موعد لي مع الدكتور اشرف عبدالقادر
وحبيت اقولكم شصار معاي من البداية
طبعا كان الموعد الساعه 9
رحت واستقبال الدكتور كان اوكي نفسه كانت حلوه
المهم قعد سالني جم سال بعدها قالي شنو تبين
قلت له ابيك تصلحلي اللي سواه الجزار ماجد تقي الله لا يوفقه اشوف فيه يوم

جان يناديلي السستر قال روحي معاها علشان اقدر اشوف شنو تبين
طبعا شاف وقالي هذي مستحيل يكون مسويها دكتور تجميل
لان فعلا في مناطق مخليها مو مسويها بالمره
قالي اوكي لبسي وتعالي برا
قعد يكتب ويكتب ويكتب جان يقولي
تحتاجين عمليه ليبو ليزر ولازم بينج عام وماراح اصلح راح اسوي كل شي
يعني ما ينفع اسوي نص ظهرج المكان اللي الدكتور ناسي يشفطه لازم اشفط الظهر كامل
قلت انا بس ابي اصلح وماابي بنج عام… اخاف توني مسويه عمليه خطرعلي
قال لا عادي لا تحاتين
وانا مااقدراصلح لازم كامل وقالي بمركز زهير الطبي لان الجهاز بس متوفر عندهم
طبعا خفت اكثر انا نفسيا ما ارتاح للمركز هذا
وقالي المبلغ 1600 وانه بيسافر وبيرجع اول سته
قال اذا تبين دقي حطي موعد وانا حدي محتاره
بس ابي اصلح ما ابي العب بجسمي اكثر ولا ابي بنج عام
ياريت اللي مجربه الدكتور او عملية الليبو ليزر تفيدني
واكون شاكره لها