دكتور اشرف عبد القادر @تم تجميع المواضيع المتشابهه@

انا مسويه عنده عمليه وايد جايده وكبيره
بس ماشالله عليه دكتور ولا كل الدكاتره
عجييييييييييب
وخبره

وفاهم شغله عدل

والله ماعندي فكره

ان شاء الله البنات يفيدونج

بنات بلللليز … الي جربت دكتور أشرف عبد القادر تقولي ضروري عندي عملية معاة …الي جربته أو سامعة عنة لا تبخل علي …

من صجج والله ؟
أكيد زين ؟
بسوي شد ؟ شلون سعر العملية ؟ وشغل أيدة تمام ولا لأ أنا المفروض عند نيشو بس باط جبدي أنا سعر وصديقتي نفسي أقل ب 700 دينار تخيلي ؟؟؟
المهم عندي الدكتور يكون شاطر وعندة ذمة ….

دكتور أشرف عبدالقادر اشهر دكتور بالكويت في الشد ( البطن الصدر الفخذ الذراع )انا شاد بطني وسويت مع العمليه بعد شفط لجسمي كامل اخذ حوالي 3000
بس شنو النتيجه عااااااااااد تخرررررررررررررررع
صارلي سنتين والخياط اثره اختفى وبطني شاد ليما الحين والشيطان مسويلي الحفره الي بالنص فوق السره ماله الاغراء وليما الحين موجوده اقولج والله والله والله ان رفيجاتي بنات مو متزوجات كل مايشوفوني يقولولي ورينا بطنج من جماله والسره عاد مو طبيعيه مشدوده عاد رحت وقظيتها بترجيه زوجي انثول وقام يحتر من بطني لاصق بظهري حتى لما اجندس ماكو شي وانا قاعده ماكو حتا كريشه ماكو ماكو بس ها عاد انا محافظه على الوزن ما زدت حتا كيلو من العمليه بالعكس قاعده اظعف وابي اصير عصله بعد
بصراحه اعرف وايد بنات شادين بطونهم عند دكاتره وايد بالكويت وبالبابطين لوعو جبدي حرام بس التعب مال البنج على هالنتيجه
انا احمد ربي واشكره الف مره انه سويتها عنده
بس نصيحه للي بتسوي اذا تبي تشوف نتيجه خيال وبطن مشدود وحلو انها تظعف وتعطي مساحه من الجلد للترهل مو تشد البطن على متن ترا مو شي ولاتسويها احن لانها بتصير درام مشدود تخيلو !!
طبعا اشرف عبدالقادر كان رئيس قسم جراحه التجميل بالسلام وطلع من الاداره الخايسه الي هناك كان وايد يشكي عن الاداره انها مو شي والحين مرتاح في عيادته في بوشهري كلينيك بس ترا زاد السعر شوي لانه عيادته مو مستشفى
وترا الدكتور شاطر وريال عود وخبره يحليله وانا تربطني معاه صداقه مو بس مريضه وبصراحه احب اكلمه من وقت لي الثاني واي شي تبون انا حاضره
اي نسيت ما قلت لج ترا انا مره كنت عنده بالعياده وفجأه نادوه العمليات يبونه يشد بطن وحده بعد العمليه فتح البطن وقام بسرعه وخلاني راح العمليات ويتحلطم يقول ( انا المريضه ماقلتلي بس قايله حق دكتور الولاده ازاي كده ماشوفتهاش …….!!! طبعا انا انثولت ) قلتله شلون يصير قالي عادي معظم الي يولدون فتح بطن نشد لهم بعد الولاده والنتيجه تكون روعه بس انا ماقعدت مع المريضه الوالده ماحد قالي .. وترا الدكتور حده عملي مو يعني يقعدج بالغرفه ويزرع الي بره لا وايد عملي يدخلج ويرحب فيج ويدخل بالغرفه الثانيه وحده يبي يتفخ حلجها ويرجعلج يخلص منج وروح يبنج اول وعقب يدخل وحده قانيه مكانج ويرجع حق الي بالغرفه ناطره وايد سلس ومايعقد الامور ونوعه يوصل المريض ليما الباب بصراحه شخصيته وطريقته كلش مو مصري !!

بس ترا المواعيد صعبه عنده لانه كل يوم والثاني طاق طيارته ورايح مصر يولهه على اسرته يحليله

دكتور اشرف؟؟؟
سوي عنده وانتي متطمنه

انا العام سويت عنده شفط ظهر وخواصر وشد بطن
والله ثم والله النتيجه خيال
تبرد الجبببببببد
والخياط تبارك الرحمن اثره يادوب يبين وبطني صار ماشالله ماشالله ايننننن
مشدود واشحلاته والزغاديد الي بالظهر طلها راحت

وان شاءالله عقب جم يوم بعد بسوي عنده عمليه ثانيه
لانه كان قايل لي ان عمليتي على مرحلتين لان احتاج شغل على قولته
فا العام سوالي البطن والظهر والخواصر
والحين بيشفطلي الفخوذ والزنود
وان شاءالله يارب تعدي على خير و اقوم بالسلامه
ادعولي بنات
بس للامانه هالدكتور راااااااااااائع
واكثر من رائع بعد
وكان قبل لا ايي الكويت يشتغل في المستشفى السعودي الالماني تم هناك 10 سنين
ومكتبه كله شهادات شكر و تقدير من المستشفى والمرضى
نصيحتي لج توكلي على الله
والله يوفقج