دلعي نفسج مع هالطبق ღஐღ متميز ღஐღ

السلام عليكم ورحمة الله وبركاته

اليوم كلا دلع بدلع

اللي تسوي هالطبق

غدا او عشا

ختحلي بهالحلو

اللي ينقط دلع

http://www.q8yat.net/showthread.php?…ewpost&t=50638

يا سلام ليله ولا احلى
اليوم بتصيرين ملكه ^_^
<<< اشدعوه عليج جوريه
اليوم الثقه زايده
عسى دوم

المهم نبدي

اول شي شوفي الصوره اتهههههبل حدها واتشووق

طبعا لازم اتسوون عيش مشخول

اكيد اتعرفون

ماني كاتبه الطريقه لاني ما اعرف ^_^

اول شي حمسي اللم بروحه لما يطلع مايه

بعدين كتي الماي لان مايه زفر وما نبيه

الحين اتييبين بصل شرايح طوال وتحمسونه بزيت شويه

وبعدين اتحطون عليه المشروم

وتحمسونه عدل
بعدين عاد اتحطين اللحم
وطبعا اتحطون فلفل اسود او كل واحد يحط بهاراته بكيفه
واتصبين عليه التالي:
ماي+صلصة الصويا+نشا
تخلطينهم وتخلينه بجدر صغير يطبخ لما تثقل الصله
واتصبينه فوقه
واتخلينه على نار هااااااااااديه
لما يستوي

عاد الحين كشخي الطبق

حطي العيش بباديه صغير وضغطي عليه بالقفشه

بعدين قلبي بالصحن

وحطي يمه الستيك

انتي زينيه بخضرا انا ما كان عندي
حطي سلطه احلة بعد يطلع
يا سلااااااااام ماكو الذ من جذي

^_^

اتمنى يعجبكم
ودمتم سالمين ..