دلوني الله يعافيكم :وين أحصل نفانيف سهره في الخبر ؟؟

حبيبتي انا اشتري فساتين السهرة من افتر شوك اللي بالظهران مول وفي بعد باكسسورايز وعندج بمارينا مول محلات وايد لفساتين السهرة بس احلى شي افتر شوك

في بعد مجمع اسمه جمعة سنتر نفانيفه احلى من مارينا والمجمع كله مستلزمات العروس وفي بعد بمجمع ابخبر ابلازا بس مو وايد محلات السهرة فيه

حبيبتي عاشقة الصمت المحل اللي بالظهران حلوة نفانيفه نفس مستوى مجمع مارينا اللي عندهم؟!

حبيباتي انا توني راده من الخبر
في بسوق سويكت محلات الخام عارضين بدلات سهره مركبينها بس مو مخيطه خياط كامل يعني انتي تضبطينها على قياسج شغلات صج روعه روعه وراقيه احلى بوايد من الكويت يعني انا اهني مليت من شغل مصممينا اللي شغلهم بس تلزيق وشوارفسكي وانتي ماشيه
بس اللي هناك خامات صج راقيه والوان غريبه وشغل راقي وافكار حلوه بدون شك ولا لطخ وفوق هذا اسعارهم نص اللي عندنا يعني النفنوف من 130 الى 180 دينار مايوصل 200 بس شغل صج راقي .

عندج عبدالواحد اللي بالراشد بدله راقيه وايد وعلى 5000 و4000 ريال

والخامات تحصلون بفينيسيا جبال الراشد عنده خامات ومركبينهم كأنهم بدل بس اشتري الخام وسوي نفس الموديل المعروض