دور الخدامه بحياتكم ؟؟

شالقلب شالقلب

شنو تنام عندهم وتوكلهم وتشربهم شلون باجر يبرونها وهي ما برهتم وهم صغار

الله يهديهم

صج موضوعج حساس خصوصا بنات هالجيل

السفرة عيالي جدامي الحمدالله
ولا اقطهم عند امي وأطلع الا للضرورة القصوى يعني امي حرمة كبيرة تعبت وربتنا وكبرتنا ليش نبلشها بعيالنا تبي ترتاح رحمو امهاتكم.. هذا لأني اشوف وايد يقطون عيالهم عند امهم حق هياتة وسفر
والعزيمة ولا العرس أروح أوجب ساعة بس وعيالي عند ابوهم ولا امي مو لازم اقعد لي نص الليل عيالي أولى بوقتي
والطلعات والسوق والمطاعم هم وياي بعربانتهم (عربانة توم)
ولا طلعت طلعة وحدة وخليتهم عند الخدامة من انولدو ترا ماكو خدامة بتحرص عليهم وتوكلهم وتبدلهم بذمة!! ما تخافين يكون مالها خلق توكله تعطيه لقمة وتقط الباجي وتقول لج اكل؟ انا اساحلهم سنة يالله ياكلون لأني أمهم منو الخدامة اللي بتسوي جذي؟ ماي الحمام تكرمين أدفيه عشان أغسلهم تلاقين الخدامة تخلي الياهل يفرفر تغسل له بماي بارد ولا حار!! واذا تشيطنو أفقد أعصابي بس اتحملهم لأنهم عيالي وأحتسب الأجر؟ الخدامة ليش بتتحملهم؟ أكيد بتكفخهم ولا تحقرهم.. أوسوس وايد من الخدم الله لا يعوزنا لهم
والله يهدي هالامهات ويحنن قلوبهم على عيالهم

الحمدلله انا ماعندي خدامه

ولدي مامسكته خدامه

ولا اقطه عند احد

اي مكان اروح اهوا قبلي وحتى بسفر

اي عزيمه اي مناسبه اهوا معاي

اوجب ساعه واطلع

الحمدلله يااارب

مايكسرون خاطري الا اليهال والله

ملائكه حرااام ينقطون هلقطه

عيالي مجابلتهم وأغير لهم واوكلهم والبسهم بس عادي اخليهم عندها واطلع
انا اولا موظفه وما احب اقعد بالبيت ولدي الكبير مرات أطلعه معاي اذا مكان في العاب بس عادي اخليهم عندها لأني مضطره
وبيت اهلي بعيد
والحمد الله خالتي دايم تقولي انتي عندج خدامه ومو مقصره مع عيالج ومجابلتهم
عيل انا اعرف ناس ما عندهم خدم وعيالهم قاطينهم على أمهاتهم
ووحده منهم أمها ضغط فيها وولدها قاطته قط عليها حمد الله والشكر

والصراحه لما سافرت خدامتي بجيت
لانه تعذبت مع عيالي وتنظيف البيت والزوج ما بساعدني كثرها
ولا اهله وأهلي ملزومين فيني
خدامتي شايلتني وبفلوسي

اعرف حريم ينومون عيالهم من عمره يوم عند الخدامه
الحمد الله ولا عمري سويتها بس مرا كان حايشني طلق ولاده وولدي ظل عندها ونام بعد ما عندي احد حزتها

انا عن نفسي ما استغنا عن خدامه بس همن مو قاطه عيالي عليها
والله يخلي كاميرات المراقبة بالوايرلس

اقتباس:

المشاركة الأصلية كتبت بواسطة غيمه ظميانه حمدلله والشكر اللهم لاتبلانا تصدقين اعرف حريم اذا تنومو عيالهم بالمستشفى محد ينام عندهم الا الخدم وتلقين الام تشوفينها بالعزايم والعروس والخدامه عند الجاهل بالطبيب شالقلب شالقلب شنو تنام عندهم وتوكلهم وتشربهم شلون باجر يبرونها وهي ما برهتم وهم صغار الله يهديهم صج موضوعج حساس خصوصا بنات هالجيل

واااي ماكو قلب حرام عليها باجر تتحاسب عليهم الله لا يبلانا ضناها مريض و تعبان و اهيا تهايل بالعروس و اليمعات جنه هالياهل ياي ببلاش ماجنها تعبت عليه