ديوانية الزوجه الاولى حياكم

سلام
صراحه حبيت افتح هالديوانيه لاني ماشفت اي موضوع مشابه واذا مكرر اعذروني
ياليت يكون لنا حنا الزوجات الاوليات ديوانيه تنجمع فيها نشكي لبعضنا ونواسي بعضنا ونحاول قدر الامكان حل مشاكل بعض
ابدا انا اولكم بقصة اختي الغاليه تقول
( ريلي تزوج علي

بعد عشرة سنيين وبدون اي مقدمات ماشفته الا داخل بالثانيه وكل اهله:يدرون وانا الاطرش بالزفه
صج كان كثير حجي بالاول وكنت احسبة يتغشمر ويحاول يغيضني حاله حال كل الرياييل اللي يتكلمون وماينفذون كلامهم)
وحينها كنت بالاربعين توني جايبتله ولد واهو مسافر وياكثر سفراته للعمل

انصدمت وماتوقعت ابد يسويها لكن القدر فوقي وفوقه
اول كنت ساكنه مع اهله وصابرة اغطي كل مانزل وكل ماطلع لوجود اخوانه معنا في البيت
وغير بناته اللي عشت معهم كني امهم لان امهم متوفيه ويوم اكبرو البنات وماعادو محتاجين لي سواها وتزوج
الحين طلبت بيت لوحدي وهذا اول شي سويته وكان احسن قرار
حط الثانيه مكاني في نفس حجرتي الاولى لكن باثاث جديد طبعا ومرت الايام الاولى من الصدمه والالم مدري وين كنت وايش سويت ومين كان حولي
والحين هو يعدل بيننا يوم لي ويوم لها وانا كل مااصد عنه كل مايزيد تمسكه فيني
التحقت بالجامعه وكملت تعليمي اللي تركته لاجل عياله وعشت حياتي لنفسي كل يوم عند وحدة من خواتي او امي او بالمولات مع رفيجاتي
صدق من الداخل منتهيه لكن محد يدري عني الكل يقول شلون صامدة وقوية ومااهتزت ولا ضعفت…..واهي اكثر وحدة تسأل ليش للحين يحبني ويعاملني زين
اكمل لكم الباقي بعدين تعبت من تذكر الاسى

الحين دوركم كل وحدة تشاركنا قصتها وتدلو بلوها حتى نقوي بعض باللي مايغضب الرحمن