ديوانية خاصة للبنات المحتشمات الي يجدون صعوبة في المشاركة بالدورات

بسم الله الرحمن الرحيم

بنات أنا بدش على طول بالموضوع .. وخير الكلام ماقل ودل . ..
انا عن نفسي محتشمة في لبسي يعني ألبس نقاب وعباية وبصراحة احس اني أعاني من شغلة أكيد يشاركني فيها اذا مو كل بعض البنات …. >> شنو المشكلة ..

بنات أنا احب الرياضة وركوب الخيل اموت في .. أحس اني قاعدة أتعب عشان أدور جهة أو مكان خاص للبنات بس عشان نلعب ونركب خيل براحتنا … طبعا أنا تعمدت أكتب هالموضوع بالقسم الاسلامي لأني أبي بنات يحسون بمعاناتي هههههه .

احنا عندنا نوادي رياضية للبنات بس كلها خاصة حق التنحيف يعني تمارين رياضية وأما تنس وطاولة وجذي وسلة مافي اللهم إلا نادي الفتاة كلمتهم عشان يخلون لنا لو يوم واحد بس بدون مدربين ومضفين قالوا انزين يمعي بنات وسوي كتاب باسم المديرة وكل شي تمام … عقب تعب وانا أيمع بالنات وسويت الكتاب تاليتها بنات المديرة بكل وقاحة صراحة ترد الطلب وبستهانة … !! الرياضة وفلست منها مع اني احبها وايد وبقا ركوب الخيل في نادي بجبد كلمتهم عشان يخصصون لي يوم بروحي مافي رياييل عشان اقدر اقط حجابي وآخذ راحتي والحمد الله وافقوا طبعا أنا كنت كاتبة موضوع من قبل عن الخيل وفي بنات يبون بس كل الي يبون مو متحجبات او متحجبات ويلبسون بنطرون وعادي عندهم يدربون مع وجود رجال وانا بصراحة أبي بنات مثلي عشان أحس انه في أحد وياي يبي الشي إلي أنا أبي .. بنات ياريت ألقا تجاوب منكم والي تحب تشارك بنادي الفروسية تراسلني بالخاص ,,, واذا في وحدة تحب الرياضة أنا في بنت بالمنتدى قالت لي في مدرسة بمشرف تفتح العصر وفيها مدربة وكانت تبي بنات بس ما حصلت المهم انا قلت بروح حق هذي المدرسة وشوف اذا للحين يفتحون العصر ولا لا لانهم هناك تعطيهم دورات كرة سلة وتصير مسابقات وجذي … عاد أتمنى ألقا تجاوب ..

سلام