تخطى إلى المحتوى
الرئيسية » د.فوزيه القطان

د.فوزيه القطان

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم يابنات شلونكم
بغيت أسألكم عن د. فوزيه القطان ماأشوف أحد يكتب عنها أو يذكرها بشي صار لي فتره وآنا أقلب بمواضيع المنتدى بس مالها أي صيت شالسالفه وبغيت أسأل اللي مجربينها شلونها بالولاده اتيي مبجر ولا تتأخر عليج وشلون خياطها زين ولا أي كلام لاني أراجع عندها بس من زمان محد كتب عنها شي ومشكوووورين

الوسوم:

14 أفكار بشأن “د.فوزيه القطان”

  3. chahinez
    الرد
    حبيبتي انا اراجع عندها وبعد وحده ثانيه معاي بتجمع نوفمبر هم تراجع عندها

    هي تهبل وايد زوينه بس اول مره اجربها والي شجعني اختي لانها والده عندها 3 مرات ما شاء الله وتقول ما افكر اولد عند غيرها

    وتمدح خياطها وايد واذا على نفسيتها بالولاده … انا كنت مع اختي والله تهبل وتصبر عليج

  6. imilla
    الرد
    آنا أراجع عندها تهبل خوووش دكتورة بس لازم تزهبين أسإلتج إذا عندج أسإلة بورقة لأن من كثر الناس اللي عندها ما يمديج تسإلين تنسين كل شي.. إختي والدة عندها بس إختي فتح بطن وتمدح خياطها تقول عجييب ماله أثر وعلى ما طلعت من النفاس راح الألم ..

  9. hamida
    الرد
    انا ولدت عندها من 3 سنين بصراحه ايدها خفيفه وماتحسين بالولاده عيبها بخياطها اي شي فنصيحه اذا بتولدين عندها نبهي عليها تخيطج عدل

  10. salima
    الرد
    حلاتي غير

    اختي مخيطتها 3 مرات ما شاء الله عليها حتى لمن اختي تروح تراجع عند اي دكتورة امراض نسا يسالونها وين مخيطه ؟؟

    اللي مخيطتج ممتازه

  11. chichaki
    الرد
    والله من تجربة زينه وايد وعارفة شغلها يمكن عيبها انها ما تتكلم وايد و تتفلسف مثل بعض الدكاترة بس تعطيج المختصر المفيد

    اهي منظمه و عارفة شغلها كل شيء عندها خطوات مو خرابيط اي شيئ, و بالنسبة لخياطها ماشالله اختي جرحها صغير

    و تجميلي اما بالنسبة حق عملياتها حلوه و صغيرة ماشالله ايدها خفيفة حتى بالفحص.

    بس من كثر الضغط عندها ادخل 5 مرة وحده و حاطه مساعدات و مو ملحقة

  12. mira
    الرد
    انا حماتي ولدت 15 /6 المفروض انها اهي مولدتها و دفعت لها فلوس الولاده بعدين اكتشفت انه الدكتوره وصلت بعد ولادتها بربع ساعه بس خيطتها و ظل خياطها لي شهر موجود مع انه حماتي نفسها ولده عندها قبل سنتين بس اهي من كثر ما قامت تستقبل مرضى ما قمت تلحق لازم تراعي هالشي

  13. chichaki
    الرد
    انا والده عندها مرتين

    اهي من ناحية الزحمه اي والله زحمه

    بس دكتوره فااهمه شغلها عدل

    انا اولد طبيعي

    اتييني وانا موصله تقريبا

    تولدني وتخيطني ذاك الخياط اللي مايخرش الميه هههههه

    خياطها عجيييييييييب

    بالمرتين احس نفسي مخيطه عدلللللل

    حتى ريلي يقولي ماشالله هذا مو خياط الا تطريز ههههههههه

    يعني تضبط امورج عدل

  14. chahinez
    الرد
    انا بجر ولدت شهر يناير تجيج على حزززة الحزه بس طووول الوقت تتابع بالتيلفون مع المستشفى وبالنسبه للخياط عجيييييييييييييييب الحمد لله وما تاذيت منه وانتي اسأليها مو تستحين بمراجعاتج الاخيره عن الخياط خلها تحط في بالها اوكي والله يقومج بالسلامه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.