ربي وكلت أمري لك بالملعون وانت خير المتوكلين<<بنات محتره ومقهوره

السلام عليكم ورحمة الله وبركاته

شلونكم بنات الله يتقبل منا ومنكم صالح الدعاء يارب العالمين

اول شي بنات بغيت منكم شغله الي تبي تدش وتقول موضوعج فتنه مافتنه ياليت ماتدش بهالموضوع وتقلبه انا فتحت موضوعي وعارفه شنو اقول وحاطه عقلي براسي

بنات امس وانا اتعبث بالدش وقاعده انزل قنوات ماوعيت الا تنزل قناه سمعت عنها من فتره انها قناة الخبيث الملعون ياسر الي اهي فدك مو

الله يسلمك نزلتها قلت بشوف شقاعد يقول وليتني مانزلتها والله ليتني مانزلتها يا بنات ولا عرفت شنو فيها وقعدت على عماي ابرك

ادري هالشي ماراح يكون يديد عليكم وسامعينه بس انا يديد علي الي سمعته لأن صج كنت على نياتي بهالدنيا واماشي كل من هب ودب

بنات ماوعيت الا بدا بكلامه بسب بامنا ام المؤمنين الي ان شاءالله الله يرجع لعنته عليه ويلعنها ويلعن صحابتنا الكرام ويقول انتو ليش محترين عليهم هذولا ملعونين دنيا واخره ومسك واحد واحد فيهم رضي الله عنهم وارضاهم وسبهم ولعنهم جعل الله يلعنه بالدنيا قبل الآخره اهو والي امثاله

بنات والله مقهوره ومحتره من داخلي احس نار تشتغل من داخلي وكمل كلامه ان منو قالكم مافي شيعي مايسب عمر وابو بكر وعثمان وكمل الاسماء كل عمري وانا امشي ويا رفيجاتي واكثرهم شيعه وان يبت طاري الصحابه ما اسمعهم قالو عنهم شي ولا سبوهم شمعنى كلامه وكمل يقول الشيعي الاصلي اهو الي يسب الصحابه واذا ماسبهم هذا مو شيعي متردد !!!

والادهى والي زاااد بجوووفي النار يووم قال جملته هذي انا ماقلت شي غلط ليش هالمهاجمه هذي كلها هذا شي من الدلائل والواقع والكتب <<شلي عمى عينكم غير كتبكم ليش ما اتجهتو للقرآن والحين مو بعيده بتحرف بالقرآن بعد

وكمل يقول انا قصدي اني اوريكم يالسنه الاسلام الحقيقي شريعة الله مو الاسلام المزيف الي تمشون عليه وان اوريكم ان مابعد الرسول ولي الا علي كرم الله وجهه مو ابو بكر والا عمر والا غيرهم <<استغفرالله ربي العظيم

ماوعيت على نفسي الا انا احذف القناه واسبه واصارخ وسكرت التلفزيون وبغيت اكسره سبحان الله ماكنت مستوعبه يوم الناس قايمه الدنيا ولا قعدتها عشان امنا ام المؤمنين رضي الله عنها الا يوم سمعت كلامه امس

بنات مقهوره ومحتره من داخلي بس شقول مابيدي حيله الا اقول حسبي الله ونعم الوكيل الله ينصر صحابتنا وامهات المؤمنين على كل من يعاديهم وينصرنا وينصر سنة نبينا الكريم على من يعاديها وحسبي الله ونعم الوكيل