رجيم رجيم والله كريم*تجمع للي وزنهم بالستينات وفيهم هوس رشاقه وتحاتي حياكم ياحياتي

بسم الله الرحمن الرجيم

بنات

بنات شلونكم

شخباركم

متينين هههههههه قصدي طيبين

انا واعوذ بالله من كلمة انا فيني هوس رشاقه

يعني ماشاء الله وزني زين الحمدلله

يعني الحين وزني باول الستينات ماشاء الله ادري بتقولون زين بس كنت امتن من جذيه بشوي مو وايد و ضعفت مع الدكتور طالب الشمري لهذا الوزن ويوم وصلت لهالوزن الدكتور قالي خلاص مو حلو تضعفين اكثر من جذيه جذيه وزنج مثالي

الحمدلله ماشاء الله كل شي زين بس المشكله

اني لازم اضعف واوصل للخمسينات لو اخر الخمسينات يعني لو 58 عشان اكل على راحتي بدون تفكير بالرجيم والخوف من زياده الوزن

للعلم قبل الزاوج وزني 56 وبعد الزاج والحمل والولاده وصل هههههههههههههههههههههه ياحياتي ياوزني وصل 75 يعني صرت حفه صغيرونه خصوصا اني قصيره عاد يالله عاد مو تضحكون علي مو قصيره وايد طولي 160 لالا الصج الصج 159 حلو حلو عشان البس كعب يعني الكعب حق منو سووه حق اللي طولها 170 مثلا لا مسوينهم حقي انا بروحي وبس ههههههههههههههههههههااااي

يالله

نبتدي من باجر العيد

مطاعم نوووووووووووو

كاكاوات نوووووووووووووووووو بس كاكاو واحد صغير ممكن

ونظامي ان شاء الله راح يكون اول اسبوع

الريوق نسكافيه – كبتشينو – لاتيه – شاي حليب – دايت كوك – سفن دايت – ماي بارد – ماي حار-ماي نص ونص <<< يعني منوعه ونوع من التشجيع هع هع هع هع هع

الغدا والعشا اختار بين هالثلاث وجبات

– تونا مع سلطه ودايت كوك

– 2 توست مع بيضه وجبنه لايت او مرتدلا مع جبنه لايت + سلطه + دايت كوك

– بيضتين مع جبنه لايت وشرايح خس وطماط وخيار وجزر وفلفل اخضر

قبل وجبة العشا او الغدا حبتين ايزيلاكس لان انا مع بدايه كل رجيم يحوشني وانتوا بكرامه امساك فالحبوب تسهل البطن اشوي

وقريت عن ماء الزعتر ووايد حبيت اسمه حسيت ان اسمه رومانسي وحساس هههههههه ما ادري لان اللي اكتبت عنه اسمها احساس الشعور فحسيت ان ماء الزعتر شي حساس <<< قعدتي تخورينها

المهم

راح اشرب بعد العشا او بعد الغدا ماي زعتر مع قرين تي وذ منت من لبتون لايطوفكم يهبل جنج شاربه فكس هههههههه

وبين الغدا والعشا

كبتشينو – لاتيه – شاي حليب – دايت كوك – شاي – قهوه <<< الكميه مفتوحه بس لاتكثرون يعني مو زينه كثره
الكافيين
+ 2 كاكاو صغير بحجم كاكاو ماكنتوش وجلكسي جواهر او 3 قطع بسكوت المطاحن

وان شاء الله راح يكون في صور للاكل اللي باكله والشرب اللي بشربه

بس يالله تشجيع

رجيم رجيم والله كريم

بسم الله توكلنا على الله

مع تحياتي ياحياتي

مزيونه وشقره