رحت فيــــــــلكا وهذي التفاصيل كلها . اهداااااااء لعيونكم ولعيون فيلجاوية خصوصا

السلام عليكم ….

رحت فيلجا وانا مستانسه لاني اذكر رحتلها وانا صغيره …وكنت متحمسه ! وهذا الحجي بالصيف اللي طاف .. ركبت العبارة وراسي قام يدووووووووور خخخخ وخايفه … بالكثير نص ساعه او ثلث ساعه ووصلنا فيلجا بالسلامة ولله الحمد ..
ركبنا قطار مكتوب عليه ام تي سي ووصلنا الفندق واهو يم القريه ..
داخل القريه في شاليهات على شكل بيوت قديمه ويهبلووون تحسين جنج بالكويت القديمه …بس للاسف كانو فل فاضطرينا نقعد بالفندق ..
بس من الصبح نروح القريه ونقعد بالقهوه

وحاطين تلفزيون كبير وانا اقول حق الريال يحط ام تي في الهنديه خخخخخخخخخخ وفي بقالات وجو ايااااااام قبل وهذا اللي عجبني … وفي مطعم حلووووو يبيع اكلات لبنانيه وجذي وانا طلبت عرااااااااااايس .. وفي مكان حق اللي بيركب حصن ..وفي جمال وحده المكان حلووو ..و حلاااااته يمعة اهل وايد وتاخذون شاليهات يم بعض …ووناسه الصبح الرياييل يطلعون بوزار ودشاديش نوم خخ يشترون نخي وباجلا يعني صج تحسين جو بساطه وهدووء ..والحريم دراريع بعضهم
وفي محلات يسون صناديق مبيته وفي يبيعون قطع خام حياكه ومكتوب عليها فيلكا ..
وفي حق اللي يبي براشوت وهذي الموزه اللي بالبحر وجتسكيات وهليكوبتر .. بس انا ماركبت هالاشياء خخخ بس شفت ناس قالو انهم ركبو هيليكوبتر ..

ويبيعون هريس ويريش … واليريش لذييييييييييييذ الظاهر بطريقه اهل فيلجا

وشكرااااااااااااااااااااااااااا