رحلة جمعية الفيحا لشاليهات الجون قبل سنة بالصور المتواضعة

السلام عليكم ورحمة الله وبركاته ..
حبيت احط لكم روحتنا حق منتزه الجون اللي يم سيشل قبل سنة
ميخالف متأخر بس ينفع ..
وألحين الجون مسوين عرض 3 ليالي الشاليهات اللي ورا (مثل الشاليه اللي احنا أخذناه ) ب90 دينار يعني الليلة ب30 بس على كلام واحدة بقسم سياحة الكويت منزلة موضوع بهالشي تقول انه لازم 3 ليالي
والثلاث ليالي للشاليهات اللي جدام ب150 ..
والعرض على كلامهم لفترة محدودة..
الحين الصور :
هذا على يسارج لما تدخلين من المدخل الرئيسي للشاليه

ويكون مدخل المطبخ على يمينج:

ويصير قبالج الدري (السلم)اللي يوديج فوق عند الغرف بس ماصورته
وورا الدري اتييج الصالة:

وهنيه بالصورة اللي فوق أنا واقفة على يميني الدري وعلى يساري حمام الصالة عزكم الله ووراي مدخل البيت
والجهة المقابلة للقنفات (الكنب ) تكون طاولة الطعام:

والحين هذي صورة للصالة من المدخل اللي داخل المنتزه ويبين فيه المطبخ (روووووووعة أحب هالدزاين):

لاتدققون بحوسة عيالي الله يحفظهم <<<عادي عادي اخذوا راحتكم :
وهذي القعدة الخارجية عند الشاليه:

الحين نروح فوق ..

وراي تصير الغرفة المطلة على منتزه سيشل وأول باب عاليسار هذا الحمام عزكم الله والباب اللي عقبه غرفة الوتي والباب اللي جدامي مفتوح هذي غرفة ثانية والباب اللي على يمين الدرج الغرفة الرئيسية الماستر بداخلها حمامها
وألحين أفصل لكم بالصور:

هاللي فوق هذي الغرفة المطلة على سيشل

والغرفة اللي تحت هي دار الأوتي (المكوى):

والحين هذي الدار المجاورة للغرفة الرئيسية وخليت عيالي الصغار ينامون فيها بس ترا حباسة البيبي هذي من عندي موتابعة للشاليه:

وهذي الغرفة الماستر:مصورتها ووراي حمام الغرفة:

وهذا حمام الغرفة وسيييييع :

وهذي اطلالة من البلكونه للغرفة الرئيسية :

وهذي اطلالة ليلية والجو بالليل حلو عجيب :

وبالنهاية هذا حوض لليهال الصغار غير الحوض الي مبين بالصورة فوق ..ومبين بالصورة شباب جمعية الفيحا ومسابقات لليهال :<<أم اللايف جاكيت الاصفر هذي بنتي واللي لابس مايوه أزرق فاقع وطفاحيات الذراع هذا ولدي

ونسيت أصور مدخل الشاليه من برا بس راح أوصف لكم اياه ..

المدخل الرئيسي تدخلين السيارة بالحوش وتنزلين باب البخار (الكراج) ويصير مثل البيت الخاص فيج بالضبط وبالحوش في غرفة خدامة وحمامها ولاتخافون عليها لأن الحوس مسكر وفيه باب خاص فيه ..وتصلح الغرفة انها تكون للسايق وتخلون الخدامة تنام فوق بغرفة الكوي
المنتزه بس فيه جت سكي عالبحر + بنانا +نطاطيات لليهال ..
وحياكم الله <<<<ترا مركز سلطان حيل قريب من المنتزه