بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله وبركاته
كيفكم ياحلوات ؟!
انا من السعوديه وناويه ان شاءالله اجي للكويت قلت مالي الا منتدى كوويتيات استفسر منهم اكيد ماراح يقصرون معي
واتمنى منكم تساعدوني في افضل وقت للزياره،،،،،وافضل فندق مطل ع البحر ،،،، وافضل الاماكن للسياحه
وجزاكم الله خير😊
السلام عليكم ورحمة الله وبركاته
كيفكم ياحلوات ؟!
انا من السعوديه وناويه ان شاءالله اجي للكويت قلت مالي الا منتدى كوويتيات استفسر منهم اكيد ماراح يقصرون معي
واتمنى منكم تساعدوني في افضل وقت للزياره،،،،،وافضل فندق مطل ع البحر ،،،، وافضل الاماكن للسياحه
وجزاكم الله خير😊
افضل وقت من الحين تقدرون تيون براد وشهر 12 براد و 1 و2 وهم 3 الجو زين بس موتفس 11 12 1 2
افضل فندق مطل على البحر
رجينسي على البحر بمنطقه البحر
موفنبيك على البحر
فندق المارينا على البحر واهوه نفسه فيه مجمع المارينا
اماكن سياحيه
مجمعات
الافنيوز أكبر مجمع بالكويت فيه السينما المطاعم ركن خاص كله ماركات ورمن خاص شغلات تراثيه ومطاعم ديزاينها الكويت القديمه وغير العاب اليهال والمحلات يعني لازم تروحون هالمجمع بمنطقه شويخ
مجمع 360 بمنطقه جنوب السره مجمع راقي فيه ماركات ومطاعم ومحلات والعاب
مجمع الكوت بمنطقه فحيحيل فيه نافوره تفس دبي بس على اصغر طبعا بس المجمع شوي بعيد عن السالميه اللي فيها فنادق البحر
مجمع سوق شرق هم مطاعم وكافيه وبحر والعاب
مدينه العاب
مدينة الترفيهيه اكبر ملاهي بالكويت بمنطقه الدوحه ومدينه كبيره بي موكل الالعاب شغاله في العاب صيانه وفي العاب تشتغل بس الغالب يشتغل
حديقه الشعب بالسالميه مدينه ملاهي للصغار والكبار اذا تحبون الملاهي انصحكم فيها لانها حلوه والعابها حلوووه
وفيه ملاهي بعد بس هذيل الانسب لكم
اماكن تراثيه وقديمه
سوق المباركيه سةق قديم وكلشي فيه قديم فيه محلات ذهب واقمشه وعطور وكلشي قديم
يوم البحار قعده على البحر ومحلات مثل دكاكين قديمه والعاب للاطفال قديمة
قهوه شعبيه هم نفس طريقه
اماكن سياحيه
المركز العلمي بالسالميه لاطوفينه فيه اكواريوم السمج وقاعه استكشاف وقعده على البحر واجواء حلوه
متحف العثمان بمنطقه حولي
الحين افضل وقت لي شهر 3 الجو جدا جميل
الفندق انصحج بالمارينا بما انه في منطقه السالميه راح تكونين بوسط الكويت وكل شي يمج
المولات كثيره ومتعدده – منها المارينا مول – سوق شرق – الافنيوز – المهلب – الكوت – ولا تخلين سوق المباركيه خصصي له يوم كامل
والمطاعم راح تشوفينها داخل المولات او على خط البحر متروس
واي استفسار تفضلي احنا موجودين
القعدات الحلوه بهالوقت (ذا فيليج، سبون، البدع، آربيلا) .. الكويت ديرة المطاعم
وحياج الله ❤️
القعدات الحلوه بهالوقت (ذا فيليج، سبون، البدع، آربيلا) .. الكويت ديرة المطاعم
وحياج الله ❤️
اولا حياج بتنور الكويت♥♥
ثانيا مثل ماقالو البنات ^ تعالو بهالاشهر لانه الجو مايتطوف خيالي ♥.♥
والفنادق ريجنسي عجيب و حتى المارينا
اذا جيتي الكويت اهم شي اهم شي The avenues
كل شي تبينه تلاقينه وشامل كل شي♥♥
وحتى 360 عندج
والمطاعم؟ وين ماتمشين تلقين مطعم
الكويت كلها مطاعم LOOL
وحياج مره ثانيه :$
دار الآثار الإسلامية حلوة و يقدمون عروض ومسرحيات ثقافية و ندوات ثقافية أدبية
و عندج بيت السدو فيه وايد نشاطات حلوه
في وايد أماكن بالكويت حق الي يحبون أنشطة ثقافية و العروض الأدبية