بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
بنات في شغله غافلين عنها وخصوصاً هالأيام الدفايات وموضوع الحرايق ، وهي تركيب انذار للدخان ، متوفر باقل من 5 دنانير وسهل التركيب .
ركبت واحد بين غرف عيالي ، لأنهم صغار ما يحبون يقفلون باب الغرفة.
وعيالي اللي تقفل غرفهم اثناء النوم حاطة لهم داخل الغرفة.
الجهاز ضمان خمس سنوات وتشيكين عليه بين وقت والثاني .
ماأعرف انزل صورته اسمهsmoke alarm شاريته من تروفاليو بالشويخ.
طبعاً الموضوع ماحطيته رد للأخت اللي محترقة دفايتهم اللي نحمدالله على سلامتهم ، لأن أكثر الأخوات ، مايقرون الردود. وهذا الجهاز مهم .
بنات في شغله غافلين عنها وخصوصاً هالأيام الدفايات وموضوع الحرايق ، وهي تركيب انذار للدخان ، متوفر باقل من 5 دنانير وسهل التركيب .
ركبت واحد بين غرف عيالي ، لأنهم صغار ما يحبون يقفلون باب الغرفة.
وعيالي اللي تقفل غرفهم اثناء النوم حاطة لهم داخل الغرفة.
الجهاز ضمان خمس سنوات وتشيكين عليه بين وقت والثاني .
ماأعرف انزل صورته اسمهsmoke alarm شاريته من تروفاليو بالشويخ.
طبعاً الموضوع ماحطيته رد للأخت اللي محترقة دفايتهم اللي نحمدالله على سلامتهم ، لأن أكثر الأخوات ، مايقرون الردود. وهذا الجهاز مهم .
لا تحرمينا من يديدج
صج نبهتينا عن شي 90% من الكويتين ما يسووونه
والله ودي أحطه ببيتي
تدرين الحرايق الله يكافينا شرها تطلع من كذا شي مو بس من الدفايات
مرات الحريقة تماس كهربائي … و لا يهااال لا عبين بجبريت … و لا إحنا مرات ننسى الأكل على الغاز
بس بســـــألج …. هالجهاز يشتغل … إذا مثلا شبيتي بخووور؟؟؟
و أنا زوجي يدخن …. عاد هالجهاز يقعد يصفر كل شوي ؟؟؟؟
ردي و ناطرتج
بالنسبة للأخت الأماكن ، طبعاً الجهاز إذا البخور كان بكمية يصفر ولايسكت لحد ما تسكرينه (اطقه خفيف بطرف عصى المخمة)، على ما تهوين الغرفة بحيث تكون نسبة الدخان غير مؤذية.وهذا الهدف.
انا لتجربته قربت البخور حيل وطلع الصوت ، بس بعدته ما صاح مره ثانية لأن الممر كبير وكمية الدخان الموجودة غير مؤذية
طبعاً الدكاترة محذرين من البخور اللي بكمية كبيرة .
السجاير إذا زوجك يدخن والمكان مغلق اكيد بيصفر .
أتمنى اني افدتك وأسفة على التاخير.
والله يكافينا شر الحوادث
آنا فيني خرعة منها من يوم ما احترقت شقتي … والله ستر
الله يعطيج العافية حبيبتي