رسالة لمن يـقــلد Q8YAT ورسالة لمن same same

والنقل للفائده مو عيب ولا غلط

بس تدرين يا مدندنه

هدي ضريبة النت والي يكتب بالنت

ان ماكو شي مثبوت يعني حتى لو يكتب منقول منقول من منو ؟

محد يعرف احد بالنت وكلنا قاعدين ندخل بأسامي مستعاره ، يعني ما سوا مجلدات من مواضيعج وباعها واستفاد من ثمنها مثلا

الي اقصده ان لما ينقل الموضوع اهوا بالنسبه له ما يشوفها بوقه

اهو بالنسبه له ان شاف موضوع اعجبه وحب ينقله للمنتدى الي اهوا متعود عليه

انا اشوف ان غلط بشغله وحده واهيا ان ما كتب اخر شي كلمة منقول

غير هالشي النت للجميع ما نقدر نتحكم في الناس الي تتصفح

واهوا أو غيره شنو بيستفيدون لما على قولتج يبوقون جهد غيرهم ؟ ترا ولا شي .. غير ان حب ينقل شغله اعجبته، وغلطته الوحيده من وجهة نظري ان ما كتب كلمة منقول

بس سؤال ؟؟ اهوا نسب القصه لنفسه ؟؟؟؟ لان ادا نسب القصه لنفسه اوكي انا معاج ان شي يحر بس غير هالشي انا اشوف ان عادي ويكون افضل لو يكتب كلمة منقول بس ممكن الواحد ينسى .. وما يكون حاط في باله شي .. مجرد ان قرا شغله وحب ينقله ويفيد فيها الغير .. ومثل ما قلت شنو بيستفيد ؟ لا باق اسمج ولا باق شهرتج لان حتى انتي ما نعرف اسمج ولا نعرف عنج شي .. وانتي هم لما تكتبين موضوع تكتبينه عشان الكل يستفيد .. والا انتي ما راح تستفيدين شي .. فلا يضيق خلقج

وبعدين التنابله بالنت ممكن يكونون نشاط في حياتهم العمليه ..
يعني عندج انا مثلا مواضيعي عاديه وما اتعب عليها وناااادر ما اكتب موضوع .. مو لاني تنمبل .. بس طاقاتي مو بالنت .. طاقاتي بأشياء ثانيه .. والنت بالنسبه لي مثل المجله .. اقرا واستفيد واتسلى وما يمنع لما اقرا شغله حلوه بموقع او واصلتني ايميل انقلها للمنتدى وافيد فيه غيري .. هل معنى هالشي اني تنبل ؟ مو شرط .. وانا عن نفسي لما انقل شي اكتب تحته منقوووول .. بس ما تدرين يمكن بيوم من الايام نسيت اكتب منقول .. هل معنى هالشي اني بــــواقه ؟
وهل عيب علي انقل موضوع مو موضوعي ؟؟

وبعدين
وانتي ليش زعلانه بالعكس لازم تستانسين لان هالشي دليل على نجاح مواضيعج الي انا شخصيا استمتع بقراءتها ..