روبيان صيني بالصلصة من ايد المهندسة!!

السلام عليكم ورحمة الله وبركاته

هذا كان عشاء بوعلي
أمس وبصراحة جدا
تلذذ بالطبق وأثنى عليه ..

اليكم الطريقة :

المقادير:
روبيان طري (منظف وغير مسلوق)
فليفلة خضراء
جزر
بصل
طماطم
أناناس
زنجبيل
فص ثوم
زيت
ملح
فلفل أسود

الصلصة:
كوب مرقة دجاج
كوب ماء مذاب فيه ملعقتين نشا
1/4 كوب صلصة صويا
1/2 كوب معجون طماط
1/2 كوب خل
1/4 كوب سكر

الطريقة:

تقطع الخضار الى مكعبات والجزر
دوائر ونفرم الثوم والزنجبيل

نحط شوية زيت بالمقلاة ونحمس الروبيان
ومع الملح والفلفل الأسود
وبعدين نضيف الثوم والزنجبيل

وبعد ما ينضج الروبيان نعزله

بنفس المقلاة نحط بعد شوية زيت
ونضيف الخضار ونقلب حتى يستوي 1/2 سوى
وما نخلي الخضار تذبل !!!
ومن ثم نعزلها ..

نحط مكونات الصلصة بنفس المقلاة
ونخليها تطبخ شوي الى أن تمتزج

نضيف اليها الروبيان والخضار
ونقلب قليلا عشان تاخذ النكهة

نطفي النار
ونقدمة بطبق حلو ..أهم شي الطبق !!

وهذي صورة من قريب
وعليكم بـ 60 ألف عافية