رولات الصاج بحشوه الدجاج مع الصوص الحار والمخلل لايطوفكم

المقادير

خبز الصاج متوفر بالجمعيات

دياي مقصص سواء كان عندج ديايه مشويه او شورما مثلج او صدور دياي مقلي المهم قصصيه شرايح مع مخلل وخس وفلفل بارد وطماط الكل مقطع شرايح

بطاط ناتشوز انا استخدمت الي بالفلفل

الصوص عباره عن خلطه من

مايونيز 4 الى 5 ملاعق+ ملعقه صغيره ماسترد بالليمون+ عصير نص ليمونه+ قفشه صغيره صلصه التايلنديه الحاره

الطريقه

تاخذين خبزه الصاج وتفرشينها بصينيه وتمسحينها بالصلصه

وبعدها تحطين الناتشوز بعد ماتكسرينه+ الطماط والمخلل شرايح+ الفلفل البارد والخس+ شرايح الدياي

وتلفينها مثل السويسرول

وترشين على الخبز الملفوف زيت زيتون بخلطه الاعشاب( اخذه من دين ان ديلوكا)

وخليه بالفرن الى ان تحمر الخبزه من الجهتين وتتقروش

وطلعيها من الفرن وقطعيها

وقدميها

مع صلصه الروب بالنعناع والخيار والثوم

تفضلو

لاتطوفكم لذييييييييييييييذه