رياضة Kettlebell اللي بتطير الكرشه وتسويج غصن البان

السلام عليكم

انا صارلي فتره اقرى عن رياضه اسمها Kettlebell
فكرتها بسيطه جداااا ومايبيلها شي
بس نتايجها من اللي قريته انها ممتازه حق البطن والخصر والزنود وتقويه الظهر

ال Kettlebell عباره عن اثقال هذا شكلها

طبعا تختارين الوزن اللي تقدرين عليه

يفضل يكون عندج لياقه مسبقه يعني تكونين تسوين تمارين للاذرع من رفع اثقال خفيفه بحيث ان يكون عندج شويه قوة بايدج مو ميح
لان هالرياضه شوي متعبه اذا مافيج لياقه بايدج

الحين نيي للطريقه

Uploaded with ImageShack.us

هذي الصوره بالضبط توضحلج شلون تمسكونها و ترفعونها

اهم شي ترى الوضعيه اذا وضعيتج غلط بيتعور ظهرج و ركبج

لازم تكونين بوضعيه جنج بتقعدين على كرسي
ولازم ركبج ماتكون معديه اصابع ريولج لا لازم اصابع ريولج تكون جدام وركبج يا نفس المستوى فوقها او ورى بس مو جدامها لان اذا جدامها بتتعور ركبج

وانتي ترفعين و تنزلين الوزن لا تنزلين رقبتج تحت طالعي سيده
اذا نزلتي رقبتج تطالعين الارض بتعورج و ماراح يكون العمود الفقري مستقيم

لان هالرياضه اذا سويتيها بشكل صحيح راح تقوي اسفل الظهر والعمود الفقري بس اذا الوضعيه غلط بتتأذين

وهي المسأله مسأله تعود بس

والباقي مجرد انج تمسكين الوزن وترفعينه وتنزلينه
لارفعتيه خليه يوصل جدام عيونج مو تطيرينه بالسقف لووووووووووول
ولما تنزلينه تكون ريولج مبطله طبعا ويمر تحتج شوي

ولازم طووول الوقت شافطه بطنج كثر ماتقدرين و شاده عضلات الارداف
طول الوقت طول الوقت جذي

لاتقوسين ظهرج وانتي نازله خليه سيده
ولا تمرجحين ايدج على بو تعبتي خليج متحكمه برفع الثقل عشان تستفيدين منه

تقدرين تكررين التمرين 30 ثانيه وتاخذين بريك 30 ثانيه و تكملين 10 دقايق جذي

وتقدرين تمسكين الوزن بالايد اليمين بس وتسوين نفس الحركه بس بايد وحده 30 ثانيه بعدين بالثنتين 30 ثانيه بعدين باليسار 30 ثانيه
بجذي تكونين استهدفتي خصرج اكثر مع البطن

طبعا لو تدشون مواقع وتشوفون شكثر هالتمرين يضعف بتندهشون من النتايج
ويقولكم ان هالرياضه ترفع مستوى دقات القلب فتحرقين كالوري اكثر بوايد من المشي والقاري

و في موقع مسوين challenge ان يسوون التمرين 10000 مره خلال شهر
عاد كل واحد ومقدرته
ونتايجهم ممتازه بس الكل أكد على ضروره الحفاظ على الوضعيه الصحيحه للتمرين

لان ساعات الواحد لا قعد يسوي تمرين مده طويله يمل ويخوره على اخر شي
فالوضعيه مهمه جدا عشان ظهركم و ركبكم مايتعورون

طبعا ال Kettlebell تلقونها بمحل go sport بالافينيوز مادري بجم

واكو بأمازون دي في دي ملوت مدربين مشهورين بس حق ال Kettlebell

منهم Bob Harper اللي انا اموت فيه مال biggest loser
وهم جوليان مايكل عندها وغيرهم وايد بس انا احب هالاثنين

الحلو بهالرياضه انها سهله مو معقده وتقدرون تسوونها بأي وقت ونتيجتها ممتازه

اتمنى الموضوع يعجبكم و تستفيدون منه
واللي تطبق هالتمرين تعلمنا على نتايجها