ريلج ما يحبج العيب فيج لانج كويتيه و

لا تستغربون من النك لووووووووووول مو قصدي بس ودي تفهمون ليش احنا رياييلنا ما يحبونا ويطالعون برا

ببساطه احنا الكويتيات حنانات وايد نتطلب وايد نتحلطم كله ما يعجبنا كله نبي كله شاغلين نفسنا برياييلنا
جنه الريال يوم نتزوجه لازم يكون كل وقته وحياته حقنا لازم ينسى اهله لازم ينسى ربعه لازم ينسى الديوانيه الشيشه والمباريات وكل شي اهوا يحبه

نسينا او تناسينا انه الريال بكل العالم ما يحب الحكره ما يحب احد يتحكم فيه مايحب احد يساله ما يبحب احد يحقق معاه

دايم اسئلتنا وينك وليش وشحقه ومتى ولي متى واشمعنا مانعرف نطلب باسلوب حلو ما نعرف ندلع مانعرف ناخذ الي نبيه من غير صوت من غير كلام

انتي بايدج اسلخه وايد بس للاسف احنا الكويتيات ما نعرف نستغلها لان الطيبه فينا اي شي نحس فسه نقوله ما نعرف نفكر ونخطط ( مو شرط للشي المو زين ) احيانا التخطيط لمصلحه الزوجه والزوج والبيت

ودي كل مره تسال نفسها ليش دايم انتي تبين ريلج مهتم فيج؟ ليش تبين ريلج ما يطلع من البيت ؟ ليش تبين ريلج يهد الدوانيه ويجابلج ؟

لانج تحبينه لانج تغارين عليه لانج تملين بروحج لا لا لا تقصين على نفسج
لانج تحبين تتملكيينه تعوتدي او قالولج لازم تمسكين الريال لازم تجابلينه لازم تحسسينه انج موجوده وتخلينه يهتم فيج غصب طيب

ونسيتي انه الريال لو مو طايق البيت ومو طايقج ما راح يقعدلج وينطر الساعه الي يفارج فيها البيت حتا لو يروح الدوانيه المهم ما يشوف ويهج ولا يسمع كلامج الي يغثه بوجهت نظره

ليش رياييلنا لما يتزوجون اجنبيات ما يتشكون ولما يتزوجون كويتيات يتشكون؟

لانا ببسااااااااااااااااااااااااطه
احنا احنا احنا

نحب نكون دابم اول شي
كوني اخر شي بحيات ريلج
مو شرط تكونين اول شي
بس احسن من ما تكونين ولا شي
الاجنبيه تعطيه حريته ما نتساله وايد ما تناشبه ما تتشكى منه على ابسط الاشياء نفس اهني اشوف متزوجات الله يهداهم بس تبقى تسال البنات شلبس اليوم حق ريلي
ترا الحب والحنان والدلع محد يتعلمه
والريال ما يبي وحده حلوه ومتكشخه طول اليوم ومو قايمه بواجبه
شافاااااااااااااايده يشوفج حلوه ونظيفه وبيتج وصخ
شالفايده يشوفج لابستله وناطرته والعشا الشغاله مسويته
شالفايده يشوووووووووفج مرتبه البيت وكاشختله ومسويتله عشا بس كل هذا من غير نفس بس لانج تخافين يشوف برا
شالفايده لما يلمسج يحس انج بارده ما تبينه
شالفايده يحس انه يبيج وانتي ثلللللللللللج جنه واجب وبتخلصين
شالفايده كل ما يقولج عن شي ما يحبه فيج زعلتي وعصبتي ما دريتي انه لو ما يحبج ما راح يقولج بالعكس يخربط برا ولا همه بس لانه يحبج يبيج تتسنعيله

المشكله اغلب البنات عندهم الحس الانثوي بان الريال يحب الحنان ويحب الابتسامه ويحب الهدوء ويحب الدلال ويحب انه لما يكون معصب تمتصين غضبه بس احنا الكويتيات تعلمنا عالدلع وانه ماكو غيرنا بنات عشان جذي ندلع عليهم وحسبالنا جذي احنا دلوعات بالعكس احنا زودناهاااااااااااااااا وايد ورياييلنا ما يشوفون برا الا عشان احنا مقصرين لو مو بالفراش او باليهال او باي شي انا مناكده بالاحساس

واتمنى من كل وحده قبل ما تقول ريلي وريلي تشوف اهيه شنو وبشنو مقصره الريال حتا لو مقصر ترا ما يعيبه شي لانه ريال بس المره السنعه ما تخلي الريال يتحجا من وراهاااااا ولا يقول عليها قاصر وحتا لو شاف فيج شي ما يحبه وانتي تقدرين تخلينه ما يشوف لما يقولج لا تاخذينها بحساسيه ترا انتي معاه واحد والي يمسج يمسه وكرامتج من كرامته انتو وااااااااحد يا بنات لا تخلون اي احد يفرق بينكم عشان اسباب تافهه ولاتخلين مشاكلج البسيطه تخرب علاقتج بريلج انتي بيدج كل شي

واتذكري شي واحد ترا الريال اول الايام بس يبي كشخه ودلع وجذي
بس لو انتي متصنعه تكونين نظيفه وكشخه ما راح يفيدج لان رياييلنا يفتقدون حق الحياه الطبيعيه الي مافيها لا مكياج ولا كريم اساس ولا قمصان نوم ولا شي
تسبحي وقعديله بالفوطه بس مل الريال من العطور من الليتات جربي يوم كامل طفي كل الكهربه الي ببتكم وشبي شموع حتا الثلاجه طفييها البيت من غير كهربا يريح الاعصاب صدقييني هذي طريقه يديده لترييح الاعصاب

صدقييني بسج خلطات ريلج يحبج مثل ما انتي يحب بشرتج مثل البيبي ويهج مافيه شي
يحب صوتج طبيعي مو لازم نفس حليمه
يحبج ببجامه وشعرج منكوش مشتهي يشوفج طبيعيه من غير لنسس من غير سشوار

وده تسكرين حلجه لما يعصب وتلميينه وتقوليله انا مالتك سو الي تبيه فيني بس لاتعصب

وده تقولينه انا حلالك بس تكفه مابي ازعلك
وده تقوليله زعلني بس لاتزعل عمرك

صدقييييييييني بيطخ وبينسى الزعلللللللللللل

خلي زوجج برا اهتماماتج وبتشوفين انه اهوا الي بييييييييييييج
كافي يابنات لا تحسسون رياييلكم انهم مهمين الريال مل ماحس انه مهم قام يتمادى
خليج على طبيعتج وانسيييييييييييييييييييييييه وشوفي انه بيحبج اكثر واكثر
عطيه حريته لا تحنين لاتطلبيييييييييييييين لا تحققين معاه
مارسي حقوقج ككويتيه بكل شي الا بالحنه بلييييييييييييييز خلج نو كويتيه واحبكممممممممممم
وابي ردووووووووووودكم الحلوه
بلييييييييييييز

)