ريلها هايت ومايدري عن البيت .حبت تعاقبه .حطت على راسه شريجة

سمعو هالسالفة امس الظهر رحت الصالون افص شعري
وكنت قاعده انطر دوري
ولا وحدة تعرف المغربية اللي اصبغ عندها وقاعدين يسولفون مع بعض
عاد شتقول السنعة ؟؟؟؟

انا ريلي ماااااااااااايدري عن البيت وكله بالقهوة ولا بالنادي اول كنت اهتم واصرخ وحالتي حالة معاه كله مشاكل

بعدين قمت اطنشه بس اعامله بالمثل
طلع ……..طلعت
هات ……..هت
هو طاله مع ربعه ……….وانا مع رفيجاتي

والله اعرف واحد لوما هو جان انا من زمان متطلقة من ريلي (انا انصدمت )
جان تقول لها المغربية : اي قي شباب عيال ناس مايخربون بيوت اللي يعرفونهم
جان تقول الثانية : والله مره ولدي كان مصخن وكنت مواعدته فقال لي لاااااااااااااااااا قعدي مع ولدج حرااااااااااااااااام
احسن من ابوه اللي مايدري عنه

جم مرة اقول له ربلب مايستحق يكون زوج وابو جان زين عارفتك من زمان جان ماطوفتك هههههههههههههههههههههههههههههههههههههههههههههههههه ههههههههههههه

والله وبالوقاحة هاذي كانت تسولف
وانا الملقوفة مبطله عيوني واذوني متابعة معاها

هل اذا الريال سوا شي حرام نقوم احنا ننزل هالمستوى الواطي ونقلده
هل صارت الخيانه (ايا كان نوعها ) عقاب
هل بهالعملة تكون انتقمت من زوجها الهايت
هل الوحدة ترخص نفسها لهالدرجة وتقول اسرار بيتها وريلها لشخص ماتعرفه

والامر والادهى انها قاعدة تسولف بصوت عالي ومفتخره بهالشي وتقول اطلع …….واواعد ……..قالي ….سوا لي ؟

احنا باي زمن ………….حتى الله قال اذا بليتم فاستترة
هاذي تجاهر بالمعصية

انسانة غريبة
نقلت هالقصة عشان احد يفهمني هل هذا نوع شايع
فعلا في ناس بهالوقاحة
مرت عليكم من قبل
انا من امس وانا افكر بكلامها ابي التمس لها العذر ماني قادرة

ارجوكم بدون هجوم وزحف بربري ……….ززز الردود تكون بهدف النقاش الهادف بالموضوع وشكرا