زاد الحماس بالاول وبعدين بدينا بالكسل

بسم الله الرحمن الرحيم

انا اول ماتخرجت من 11 قلت لنفسي لازم ابدي دراسة اول باول لـ 12 عشان النسبة
وتحمست بشكل مو معقول لدرجة اني كل يوم ادخل النت واقري نصايح { مس مودري } صحيح ماقصرت وتعبت وايد بمواضيعها الشيقة ويعطيها الف عافية
واحوس بالنت ادور مذكرات تلاخيص وتقارير وخذيت كتب بنت خالتي وخذيت فكرة عن المواد وشنو متطلباتها وجهزت شغلي وبداية الدوام اول جم اسبوع متحمسه وارد من المدرسة ع طول احل الواجبات واحضر وتقارير وانشطة وما الي ذلك بعدين اسبوع كامل غبت ورديت داومت معتفسه لا دفاتر كاملة ولا شي ونايمة بالحصة ولا ادري شتقول الابلة وقلت لنفسي صحيح اني تكاسلت بس ان شااااء الله اذا بدات امتحانات الفترة ادرس < انا مو من النوع ادرس قبل الامتحان باسبوع واسوي لعمري جدول واخب نفسي بالعاده باجر عندي امتحان ادرس اليوم مع العلم اني نسبة توصل 85 وفوق هذا قبل لا ادخل الثانوية لاني من دخلت مستواي نزل وايد المهم بيوم من الايام < صارت قصة هههههههه قاع اسولف عن الدراسة وان ودي ادخل رياض اطفال جان تقول اختي انتي مصدقة عمرج بتييبين نسبة ..؟؟ صدمة مو قلت ان شاء الله ليش لا قالت نشوف باجر لا طلعت النسب والله من كلمتها تخرعت عااد اختي هذي اذا قالت شي يصير يصير

بنوتات مدري شسوي للحين خايفة من الامتحانات وكلمة اختي << للحين حازة فيني

عطومي دافع وحافز يشجعني للدراسة لاني بجد كارهة اوم المدرسة