زبدة فرارتي عالحضانات

للحينه ولدي عالحضانه بس حبيت اخذ فكره

ماقصرتي والله

بس انتي ذكرتي ياخذون مواليد يعني من ٦ شهور لاني وراي دوام وماعندي احد يجابل ولدي وهم خايفه ومتردده من الحظانه واحاتي ان ولدي يمرض ولا المكان مو نظيف شسوي حدي احاتي

يعني ياريت تذكرين عنوان اللي الحظانه اللي ياخذون من من ٦شهور

انا بصباح السالم ابي قريب علي تكفون الي تعرف تقولي

ومره حطو برنامج حق حصه اللوغاني رايحه نادي سباحه حاولت اعرف وين ماقدرت الي تعرفه بعد يريت تقولي

ومتى اخر موعد تسجيل؟

ستبس الاندلس؛
كلها بدور واحد وتحسين مرتبه
فيها العاب خارجيه بالحوش
مدرساتها بدون وفيهم منقبات وشكلهم بنات شباب مو كبار
اول شي ورتني غرفة اطفال بعمر ٦ شهور
فيها تقريبا ٤ اطفال قاعده معاهم خدامه يطالعون التلفزيون وفيها سراير للي يبي ينام
اول مادشينا دشت ورانا مدرسه وقفت معاهم
يمكن طول الوقت خدامه قاعده بس جدامنا جابوا المدرسه وما ارتحت ل هالحركه
وبعدها صاله صغيره فيها سيارات يلعبون الجهال
وبعدها غرفة التلفزيون مقعدين الجهال والمدرسات على كراسي يطالعون توم وجري
ولقيت واحد من الجهال نايم وهو قاعد كسر خاطري وهما هالحركه ماعجبتني
وبعدين رحنا المطبخ الجهال ياكلون ومعاهم مدرستين
قلت الوجبه مني؟ قالت اي بس نجيبهم المطبخ نجهز لهم اكلهم وياكلون
وعقبها رحنا غرفة تدريس

دوامهم من ٧ ل١ ونص وشفتات ل٢
ٍياخذون من ٦ شهور ل٤ سنوات
اول مره ادفع ١٧٥ د شامل كل شي يونيفورم وفتح ملف واشتراك و ١٠ كتب
لانه
فتح ملف ب٢٥
اشتراك شهري ١٠٠
١٠ كتب ٢٠

اليونيفورم ١٢ وان بغيتي زياده يسون لج خصم
ممنوع الشيبس والبيبسي

اول ماتدخلون يعطونكم بروشر مجانا مكتوب فيه الطلبات وكل شي
عندهم نظام اسبوعي او شهري او كورس
قالت خليه يجرب اسبوع وان عجبه يكمل معانا
قلت اوكي بس مو الحين
باسجله شهر ٩ ان شاء الله
قالت عادي تعالي اي وقت سجليه
نسيت شي عندهم غرفة صغيره فيها سرير تقول للجهال ان تعبوا او مرضى
والحضانه بظهر السنافر على طول
وقالت يطلعونهم رحله كل اسبوع يمكن كل يوم خميس
ولهم يوم رياضي

طبعا طلعت وقمت ابجي
وانا ماسكه نفسي بالغصب عندهم مو قادره اتخيل اني ابعد ولدي عني بس ابيها لمصلحته

طلعنا رحنا حضانه ثانيه
توب كيدز الاندلس
حسيت المكان ضيق ومو واسع نفس ستيبس
هو عباره عن سرداب وارضي وثاني
بس صغير
والسلالم متعبه شوي
الخدم يطلعون وينزلون الجهال
انا شفت الارضي والثاني
وماخلت زوجي يطلع معاي الثاني
ورتنا غرفة الصلاه وكافتيريا ومدرسه تدرس شوية جهال
بنت صغيره اول ماشافتني بجت تقول ابي ماما كسرت خاطري
وحمام تبديل الحفاظ
تقول نطلعهم رحله مرتين بالاسبوع او مهرجان
اذا يطلعون مرتين متى يدرسون؟؟؟؟؟
اسعارهم ناسيه بس يمكن
فتح ملف ٢٠ او ٢٥
اشتراك شهري ٧٠
يونيفورم نسيت
ورتني ورقه عندها طباعه كمبيوتر ابيض واسود فيها الاسعار
للاشتراك
تقول تبينها؟ ب٢٠

ستبس عطونا اوراق واجد ملونه ب بلاش هههههه

و قالت احسن احطج ع الويتنق لانه زحمه وناس واجد حاجزه
احطج او تفتحين ملف من الحين
قلت لا تو الناس

المهم احس اني ارتحت ل ستبس

واحنا رادين البيت لقيت حضانة الاندلس عالشارع جنب السنافر
زوجي قال خليها بعدين
اللي عندها رقمهم تكتبه

شرايكم بنات
انا مو مستعجله بس ابي الاحسن لولدي وماهمتني الفلوس