زراعة بطاريه في النخاع الشوكي

الله يكتب لكم الي فيه الخير

اقتباس:

المشاركة الأصلية كتبت بواسطة @شمس الضحى@ حيااتي ياام وليد والله ماسمعت عنه رفع لعيوووووووون وليد الله يكتب لكم الي فيه الخير

تسلم عيونها ويدها وقلبها وروحها وعيالها وكل من يعز عليها فديتها ياناس أم أسوووم

اقتباس:

المشاركة الأصلية كتبت بواسطة فجرالعيد تسلم عيونها ويدها وقلبها وروحها وعيالها وكل من يعز عليها فديتها ياناس أم أسوووم

ياااااااابعد عيني عينج
أسأل الله ان يبلغج في شفااء الغالي
احبج في الله..

انا اعرف وحده سووت حادث الله يكفينا الشر وصار معاها شلل بالجزء السفلي وشدت رجولها حيل المهم راحت تعالج بامريكا وحطولها هالبطارية وكل سنة تروح امريكا يعبون لها او شي جذي المهم لازم تراجع كل سنة اذا ماراحت ترجع رجولها تشد .. بس ممنوع عليها الاشعة كلها بانواعها يعني ممنوع تسوي اشعة لانه جسمها فيه بطارية

لعام قدمت علاج بالخارج مثل كل سنة لانه كانت البطارية بس بامريكا وجنه بتركيا بس هالديرتين فيهم .. المهم قالوا لها لا العلاج متوفر وهذا الدكتور حسن يسويها ب اهي رفضت لانه الروح مو لعبة تدرين قبل دخلت عليه وقالت له دكتور يقولون انت مسوي هالعملية لمرضى قبلي عطني اسم مريض او مريضه ابي اكلمهم عشان اتطمن ارتبك الدكتور قال لا انا اعرف واخذت دورات فيها .. المهم مابي اطول عليج قبل سنة كتبوا بالجرايد عن وحده مريضة سووت هالعلمية بالكويت ودشت بغيبوبة لانه عطوها جرعة زايدة ترا اهي هذي العملية والدكتور اللي مسويها نفسه وعلى فكرة ليما الحين المره بغيبوبه ماوعت

الله يعلم ماظلمته بكلمه بس انا نصحتج .. اذا بايعه ولدج سويها بالكويت

قدمي علاج بالخارج وانشبي بحلوجهم واذا عندج واسطه حني على راسهم ليما يودونكم امريكا اذا ما حصل لا تغامرين باطبتنا

وانا نصحتج وانتي بكيفج

تدرين شنو المشكلة .. انا اكثر من 3 مرات اروح علاج بالخارج وعارفه الوضع هو مو كل مستشفى برا ينقال عنه مستشفى ربعنا يدورون الرخص .. فيه مستشفى اسمه كرومويل بلندن تجاري من قلب وحتى يوم كنت هناك تقولي وحده بريطانيه حنا ما نتعالج فيه اصلا مسمينه مستشفى العرب وسمعته بالحضيض ما يتعامله معاه الا مكتبنا الصحي .. والتجاوزات بالمكاتب الصحيه عندنا بالهبل يدورون الشي الرخيص بس ماتهم ارواح الناس

انا اقول الواحد يسأل عن الدكتور قبل الديرة اللي يبي يروح لها .. يسأل عن عيادة او مستشفى سنع والاكيد الشفا من الله والارواح بيد الله محد معطي الثاني من صحته ولا من عمره بس حنا ندور الاسباب .. والاخطاء الطبية يا كثرها هني وهناك

بس نصيحتي لج روحوا مكتب محماة هناك طالما انكم بديرة اوروبيه يمكن تطلعون منهم بشي وانا ماتكلم عن التعويض المادي اقول يمكن يلزمونهم بشي … انا صار لولدي خطأ طبي من مسشتفى مبارك كان داخل يمشي على رجوله طلع باعاقة حركية كاملة تدرين شسووا يوم بغيت اشتكي رحت لمحامي قال خلاص بس نتأكد قبل نرفع قضية ونستشير طبيب فيوم طلبت الملف من قسم السجلات طلعوا مخفينه تقولي الموظفه مافيه ملف باسمه كلش شنو يعني لا ويوم استقصيت طلعوا ساحبين الملف بعد سفرتي للعلاج بيومين بس ومحد يدري الملف وين راح .. يويلهم من الله بس