زوجـــي والخدامه

السلام عليكم

بنات بدخل بالسالفه ع طول واسمحولي لو فيها جرأه بس انا السالفه ما اقدر اقولها لاهلي لاني للحين ماادرى السالفه الصجيه والله بموت

وانا زوجي كنا طالعين فاتحني بموضوع قالي تدرين في شباب يسولفون يقولون حريمهم يختارون خدامات حلوات حق ازواجهم يعني بدال لاتزوج علي خربط ويا خدامتي المهم انا تنرفتز قلت شنو مايخاف الله واهو عادي عنده يعني اللي ضايق خلقه ومحتار قال بقولج اذا في رجال غلط مع الخدامه مرتين والحين متحسف قد شعر راسه كل مايشوف مرته يتعذب بس شنو يسوى تهقين لو يصارحها شنو راح يصير عاد انا حسيت في شي غلط قلت خل اسايره قلت عادي اذا هو تاب وهذا شي صار وخلص تساعده مرته ع التوبه ومن هالكلام الحلو اهو استانس ولا يقول صاحب السالفه انا وانا غلطان وهو يبتسم هني بغيت اموت بس قلت خل اسايره بعد قلت متى ووين قال كنتي طالعه مع رفيجاتج وبالمطبخ والحين انا متندم عرفتو اللي من الصدم قمت اضحك قلت انت جذاب مو انت اللي تسويها قالي انتي مسكينه وقام يقسم انه صاحب السالفه يوم قسم انا بالسياره قمت ابجي بجي عيالي تخرعو وبطلت الباب خلاص بقط نفسي قام يترجاني قال والله مو انا صاحب الله هذا رفيجي وطلب مني اساعده وقلت خل اقيس النبض اول قبل لا اشور عليه رديت البيت اشيل قشي قلت انت اقسمت وطلقني قام يسب نفسه ويبجي قال صدقيني مو انا الحين ادق ع رفيجي واسمعس دق عليه وقاله شنو صار ع سالفتك قال محد يدرى خلاص وثلاث ايام انا ابجي وهو يبجي قالي اطلبي رضاوه وسفرني اربع ايام نغير جو يقول انا شاريج بس مدرى ليش احس السالفه صج وحتى هو صام ثلاث ايام تكفير للحلف وانا قريت بتلفونه يسأل اخوه شنو كفاره الحلف الجذب بس ما ادرى الحين كل شي تغير صرت حيل حريصه وستايلي تغير حتى يقولي انتي بعد السالفه انتي الناهيه الامره بنات السالفه مو راضيه تغيب عن بالي وخدامتي اصلا منحاشه يعني ما اقدر اصيد عليه شي والحين عندي وحده ثانيه بس خايفه منها وطالبه اثيوبيه قلت له ابي خدامتين عشان اذا في شي وحده تفتن ع الثانيه شرايك بنات دلوني ما ابي اهد حياتي وحياه عيالي ع شك هو رجال مصلي مسمي والحين تغير قام يذكر الناس بالصلاه ما ادرى يعني كانت السالفه صج وتاب ولا شنو