زوجي بيسوي عملية دخلو وعلموني الاصول وساعدوني

اول شي الف لا باس على زوجج
وانشالله يقوم بالسلامة
انا من رايي انج تظلين وياه عقب العملية
لانه قبل العملية اتوقع ربعه راح يزورونه اوو يسهرون وياااه

بس دورج ايي بعد العملية تخففين علييه من يطلع من البنج تمسكيين ايده تمسحيين على راسه وجم كلمتيين حلويين
وصدقيني راح تكبريين بعينه بألف مره
وانتي سبقتيني بالحجي عن القهوة والكاكاو بس لايصير وايد وخبه ترى الريايل مايهتموون بهل سوالف مثلنا احنا الحرييم
يعني يكفيي قهوة وكاكاو وعصير بسس لا زايد ولا ناقص

ودعاءنا لنا حق زوجج

اول شي الله يحفظ لج زوجج ويقومه بالسلامه

2- سوي كل شي مو عشان خالتج وحمواتج يعني لو هم مسافرين الزوج ماله اهتمام واعتبار!!!!!!!!!!!111

2-اذا مستشفى خاص خلي عنده بالفرفة الاستكنات والسكر بانواعه والفناجين ويوميا دزي له شاي وقهوه

3-وخلي عنده حلو قهوه للضيافه

4-واذا مافيه زوار رجال باشريه ليل ونهار لاتتركينه مع قراءة ادعية الشفاء والدعاء له

سلاماات وما يشوف شر

انا لما ريلي سوا العمليه كنت معاه لحظه بلحظه وما كنت أفارقه الا وقت النوم بس

بالنسبه للضيافه ما جهزتها الا بعد العمليه وكنت معاه طوووول اليوم واذا زاروه ربعه قعدت بره انطرهم يطلعون

واهو يدق علي موبايل يبلغني انهم طلعو

ولما رخصوه من المستشفى سويتله عشا ليلتين في بيتي (( ليله مع اهله وليله مع أهلي ))

السلام عليكم
الاصول ولو اني مو متزوجه ..بس من واقع خبرتي واسلوبي لما ابوي(( الله يطول بعمره)) او احد من اخواني عنده عمليه حتى لوكان متزوج ..
ان لازم تكونين معاه قبل العمليه يشوفج واقفه معاه ..ولما يفتح عيونه بعد ما يقوم من السلامه هم يشوفج ..
اما الحلو والضيافه خلي احد من خواتج تساعدج واتييبه لج..ولما احد من ربعه يزوره تنطرين بره شوي وتالي تردين تجابلينه و تكونين يمه تخففين عنه ….. وما تشوفون شر يارب..

والافضل علشان لا تحوسين وايد أكيد راح يحتاج يغير فلازم تاخذين هدوم كافيه للمده اللي راح يكون فيها منوم بلمستشفى يعني مو طقمين لالالا أكثر وشوفي شنو اهوا يحتاج شخصيا سأليه حبابه

انا مع الوالد ما اتحرك من المستشفى لحد ما يقوم واكحل عيونه ههههههه بشوفتي قبل وبعد العمليه واخر عمليه سواها نمت بمكتب دكتوره لما خلص ويه الدكتور قعدني وطمني على عمليته)))) انا بطبعي ماعرف اترك مريض بروحه !

عمري كل يوم روحي له

قبل العملية وبعدها .. وكل يوم مري عليه ..

اول مايطلع من العملية لاتودين شي ريال تعبان ..

العصر او المغرب لين الاهل بيجون ..
ودي بوكيه ورد عود جدامهم والقهوة والدلال والكاكو ..

وكل يوم دله وغيري بالكاكو ..