بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم بنات شلونكم حبايبي؟؟؟
مثل ما قلت لكم ريلي ما يصلي و لا يروح صلاة اليمعه
و اليوم اكتشفت ان مو صايم دشيت وراه تكرمون الحمام و شميت ريحة الزقاير 
و الله تعبت منه مادري شالحل معاه و لمن واجهته ان مو صايم قام يسوي روجه مريض يقول حرارتي مرتفعه و لمن جست راسه شفت حرارته طبيعيه و اهوا اصلن لمن يستمرض مايقدر يدخن معناته يقص علي
و ترا اهوا ماكان جذيه قبل لا نتزوج كانت كل صلواته بالمسيد
قولولي شسوي عشان اخليه يخاف ربه
السلام عليكم بنات شلونكم حبايبي؟؟؟
مثل ما قلت لكم ريلي ما يصلي و لا يروح صلاة اليمعه
و اليوم اكتشفت ان مو صايم دشيت وراه تكرمون الحمام و شميت ريحة الزقاير
و الله تعبت منه مادري شالحل معاه و لمن واجهته ان مو صايم قام يسوي روجه مريض يقول حرارتي مرتفعه و لمن جست راسه شفت حرارته طبيعيه و اهوا اصلن لمن يستمرض مايقدر يدخن معناته يقص علي
و ترا اهوا ماكان جذيه قبل لا نتزوج كانت كل صلواته بالمسيد
قولولي شسوي عشان اخليه يخاف ربه
ونصحيه على طوول
ورجعي حق مشايخ ينصحونج بكيفية التعامل معاه
صدقيني قلبه بعوره
بس ترى اذا طول وهو ماصلى ترى كفر والعياذ بالله ومايجوز تقعدين عنده واسألي المشايخ علشان تتاكدين من كلامي .
وماشاء الله عليك زين تحاتين هالسالفه لان اعرف حريم رجالهم صارلهم سنين ما صلوا الجمعه ولا صلاة بالبيت وقاعدات عندهم عادي ولافي
اي مشكله المهم انها متزوجه !!!!! بس خلي زوجها يغازل والا يخونها تطبق السماء على الارض استغفر الله
مااقول الا الله يهديه
الزقاير مالها شغل انا ريلي يدخن والحمدالله يصلي ويصوم فرضه
دايما نصحيحه وذكريه بالاخره وان هالشي مايجوز والله مايرضى وتعاليله بالهداوه وادعيله الله يهديه
قوليله الحين اذا صار عندنا يهال لازم يشوفون ابوهم قدوه خرعيه بعد شتسوين فيه الله يعينج هالريايل ما انخلص منهم :/
بس اذا نصحتيه اشكره يمكن يعاند ويستكبر-واهم شي قيمي الليل وادعيله
والله الهادي
وحاولي اتذكرينه بالصلاه وعقوبه تارك الصلاه
وقولي له باجر اعيالج ان جافوك ماتصلي بيصرون مثلك لانك قدوتهم
وكل مايأذن قولي له يلا قوم صل وحتى ذكريه فـ صلاه اليمعه والتراويح
والله يهديه ان شاء الله
ويتغير للاحسن
ادعي له حبيبتي
ودايم ذكري ان الله بيحاسبه وان اهو المسؤول عن بيت فلازم يكون على صوب
وقدوه حسنه لبيته
ربي يبرد على قلبج وان شوف باجر كاتبه ريلي يصلي ويصوم
عجز ماله خلق يصلي انشالله بيصحه ضميره وبيرد يصلي
شله فاسده هذا الي ينخاف منه عوده علي ترك الصلاه
بس كلا الحالتين لا تخلينه ولا تضغطين عليه حاولي بتدريج اول شي قوليله تعال نفتح كتاب الله ونقرأ ايه من زمان ما فتحنه القران وشوي قوليله اقري علي ولدك او بنتك وحطي علي برامج دينيه وخليه يشوف معاج حاولي يشوف عياله يصلون ويقولوله يلا يبه نصلي وبتدريج وانشالله يكتب الي فيه الخير
الله يعينج بس لا تخلينه
كوني قدوة بافعالج جدامه
الله يهديه