زوجي والادمان

انا قلت اسافر وهناك احاول اطلق منه بس متردده علشان البنت

الحل انج فعلا تتصلين على المدمن المجهول وتبلغين عنه
وبالعكس ممكن يكرهج ويحقد عليج

بس بعدين راح يحبج وتكبرين بعينه وايد وجميلج برقبته

انا رايي لا تبلغين عنه, ترا ان دش السجن وهوا مخترب مره راح يطلع منه مخترب مرات و مرات, ترا السجن لافيه تأهيل و لا بطيخ و حدها سايبه, عاطي يتعاطون داخل السجن, انا اعرف وحده من اهلي محاميه قديمه لا تشوفين شتقول عن السجن
حاولي مع جماعه المدمن المجهول انشاءالله يفيدونج, و عليج بالدعاء و الصلاه, بس تبين الصج اهوا لازم يبدي من نفسه اذا ما عنده اراده صعبه, يمكن جماعه المدمن المجهول تقدر تقنعه انشاء الله
و ان ما فاد يمكن لما يشوفج خليتيه و رحتي عند اهلج يصحى ضميره و يحس, مرات الواحد ما يحس الا لما يفقد الشي

و ان بعد هذا كله ما فاد انا صراحه راي الشخصي انه البنت تتربى معاج و معا اهلج احسن لها من هالوضع, اذا انتي تقولين انه ابوها ماله دور و انها قاعده تشوف مشاكل على طول و الله حرام هذا كله اخاف يأثر عليها, و ممكن باجر تطيح عليه يسوي اشياء مو زينه, ما ابي اخرعج و اسفه و الله على هالكلام بس ترا اللي يغيب عن وعيه ما يحس باللي يسويه و ماتدرين شنو ممكن يسوي باي احد بالبيت او بره البيت حتى لو كان غالي عليه!!! ياما سمعنا عن سوالف ما تتصدق و السبه انه العقل كان غايب بالسكر و الادمان

و الله اسفه اذا ضايقتج بس لازم تعرفين كل الجوانب اللي ممكن تصي
و صلي استخاره اكثر من مره, صلي مرات و مرات, ربنا احسن منا و انشاء الله يدلج على الطريج اللي فيه الخير لج و لبنتج

و الله يصبرج و يخلي لج بنتج انشاء الله

الله يهديلج ريلج ويصلحه ويصبرج إن شاء الله

والهدايه من الله إدعيله وحاولي أتكلمينه بس بوقت يكون هادي وصاحي كلميه عن بنته ومستقلبكم

اقتباس:

المشاركة الأصلية كتبت بواسطة mrmr mrmora لا لاتبلغين المخفر مهما يكون هذا ريلج وبنتج شايله أسمه الله يهديلج ريلج ويصلحه ويصبرج إن شاء الله والهدايه من الله إدعيله وحاولي أتكلمينه بس بوقت يكون هادي وصاحي كلميه عن بنته ومستقلبكم

انا مع مرمر