زوجي و الفيس بوك

أختي نوارة

قبل كل شيء أبيج تقرين كلامي بحب
وتكون نيتج فعلاً إزالة هالمشكلة من داخلج ،
قبل ما تكون بحياتج ..

آنة مو بمكانج ولا مريت بهالتجربة لأني بالأساس ما ارتبطت

لكن بأصير مكانج ولو تسمحين لي وأعيش إنتي شنو قاعد تعيشين

أختي نوارة في البداية خلي هالمشكلة رغم أنها مهمة
وشيء ولا أي انسان يقدر يتحمله سواء امرأة أو رجل ،
خليها شيء عادي مثل فقدانج لشيء شريتيه وضاع فجأة .. بالضبط

بنفس المعنى وبنفس القيمة

شيء حبيتيه وبالغصب شريتيه

تالي فجأة بعد ما وأخيراً كان عندج فقديته

.
.

الحل البديل أنه على طول نفكر اشلون نرجع نشتري هالشيء مرة ثانية
سواء عندنا طريقة ووسيلة الشراء أو لأ .. وهذا هو الإصرار على استرجاع أي شيء

نفقده بحياتنا ككل مو بس اهتمام الزوج لأ اهتمام أقرب الناس لنا

غيري من نفسج

وتجاهلي هالمشكلة وقولي
آنة فاقدة اهتمام وحرص ريلي وخوفه على مشاعري
الخاصة بدخوله الفيس بوك .. فقط
بس آنة مهمة أكيد بحياته
وأكيد بيرجع لي اهتمامه ولا عاد يدخل مرة ثانية

واهنيه لازم تحاولين بشتى الطرق انج تبطلين تتكلمين معاه
أو حتى تلمحين له ان فعلاً الفيس بوك ودخوله على هالإنسانة بالذات
شيء يقث ومتعب ومزعج لدرجة أن يخليج تحاتين إن هل ممكن
فعلاً يحن لها أو يبي يعرف أخبارها ومشتاق لها

لأ بعدي عن هالتفكير بالمرة
ولا توهمين نفسج انج عادي لأ
خليه يصدق وانتي صدقي نفسج بعد

ان عادي دخل أو لأ لأنه شيء ما عاد يعني لج

وهذي الخطوة واااايد مهمة أختي وصدقيني
راح تتشافين ذاتياً من التعب النفسي والضغط إلي قاعد تمرين فيه
وراح تقدرين تلفتين لج ريلج وراح تشدين انتباها

خلي شغلج الشاغل

اشلون تتدلعين له وتغيرين من اللوك مالج
اشلون يكون مكانج حلو وكله جو ينبض بالحياة والإحساس والرومانسية

لا تعطينه مجال يفكر حتى يدخل على الفيس بوك

سويله حفلة أو نص حفلة

اشتري كيكة وسوي سي دي خاص له
فيه أغاني رومانسية وأغاني فصله

ممكن ترقصون عليها مثلاً

أو أغاني يحبها نفس ما أول أيامكم في فترة شهر العسل

اقري شيء مهم من هواياته ومحبب له ونطريه لمن يرجع
وقعدي سولفي عنه وسأليه هذا شنو ويعني شنو

وااااايد اشياء تقدرين تلفتين فيها ريلج أختي

سويله مساج بعد العشاء أو وأهو يطالع التلفزيون

دلعيه

الدلع والحنان

والفرفشة هي الأشياء إلى كل انسان يحتاجها

انتبهي

ساعات الاهتمام الزايد ينفر الإنسان إلي قبالج منج
فإنتي وشخصية زوجج أختي

عزمي اخوانه عندكم مع حريمهم

فاجئيه بعزومة حلوة غير العادة من خواته مثلاًأو خواتج

وانتو ترقصون وتهيصون

وجود العنصر النسائي مهم

لأن الطرف الآخر لمن يبحث عن علاقة ماضية في حياته

يبحث عن شيء فاقدة وليس العلاقة

وهذي عن تجربة

أكيد في شيء بهالإنسانة أهو فاقدة منج

أو يمكن يبي يسوي مقارنة بينكم

مقارنة نفسية ولا شعورية صدقيني ،، ساعات
نقارن العلاقات السابقة بعلاقاتنا الجديدة

كل شيء بإيدج

سمي بالرحمن وصلي على النبي وأله

وجددي العهد الجميل بينج وبين ريلج

وسوي إلي قتلج عليه

ويارب تقدرين ترتاحين

وتلاقين نفسج قبل ما تلاقين ريلج إلى فاقدته

وعساج ما تفقدينه ويبعد عنكم أين تعب

وأي سؤال أو استفسار

حاضر ومن اعيوني اختي الغالية

الله معاج ويحفظج يارب