زوجي يبيني أسوي ورق عنب بالريش .إلي قبل سويته بس نسيت الطريقه وما قلتله ؟؟

بنات سويت قبل ورق عنب بالريش لزوجي ..

اللي أذكر منه ..

حطيت شرايح شحم تحت .. خفيفه .. وصفيت فوقهم بطاط .. وتالي الريش ..

وحشيت الورق العنب بدون لحم مفروم .. بس فيه كشمش .. وجزر مبشور ..

وما حطيت زيت .. بس الشحم كفى ووفى خلاه دسم وكان عنده رفيجه بالدوانيه ليومكم يقول لرفيجه أحسن ورق عنب ذقته بحياتي فبيتهم .. <<< إخلصي درينا إنج سنعه ..

خخخخخخخخخ

عاد زوجي قعد الصبح .. قبل لا يغسل وجهه قالي مشتهي ورقج العنب بالريش اللي سويتيه قبل. .

المشكله نسيت الطريقه ؟؟

ياربي شسوي ؟؟

شلون أسويه بطريقه يكون لذيذ .. فيه حلاوه معقوله . ما ينقال عنه حالي كلش .. و بنفس الوقت .. حامض ..

نسيت نسيت الطريققه كلش من سنين .. يا بنات تكفون قولولي شسوي

وكنت محشيه معاه بصل .. مع الورق العنب ..

تكفون اللي تعرف شسوي بالخلطه و بالصوص تقولي. .
جزاكم الله خير. .

وشكرا. .