زوجي يدلع الخدامة شسوي

[FONT="Arial Black"]السلام عليكم أرجو منكم انكم تساعدوني في مشكلتي مع زوجي الصراحة مصخها
بدخل للموضوووووع على طول انا عندي 3 اولاد وحامل (ما شاء الله )المشكلة طلبت من زوجي يستقدم خدامة بما اني حامل فأحتاج احد يساعدني المهم استفدمنا خدامتين الاولى تمت شهر وقالت خلاص مابي اشتغل والثانية 5 ايام وهربت وكل من لامنا على ان السبب ان احنا ندلعهم وهالمرة قلت ماني مدلعة الخدامة بكون معها في النصف المهم زوجي كأن فاتح جمعية حقوق الانسان مدلعها احسن دلع والله انا زوجتها مايسوي لي جدي الخدامة صار لها اسبوع انا شرطي مع الخدم ما تلمس عيالي يعني شغلها للبيت وبس وادا طلعت تمسك عيالي المهم يوم بروح السوبر ماركت جان اقول حق الخدامة يلا امشي لا قوية عين ترد وين بتروحين قلت لها مو شغلك يوم وصلنا السوبرماركت جان زعلانة ومالها نفس تسمع الحجي ومعاندة رحنا البيت الا الاخت تسوي روحها ما تسمع ومبرطمة قلت لها شفيك جان تقول انا تعبانة وراسي يعورني ما بي احد يكلمني( لا بعد صيري انت المدام وانا خدامتك) جان ازفها زف واتصلت على زوجي على طول لما و صل وبدأت المناقشات جان تقول حق زوجي انا بس شغل بيت مايبي يروح مع مدام مكان غير وزوجي يزفني يقولي هالمرة سأليها بتطليعن او لا (خوش خدامة بعد لها رأي في الطلعات )لي ليش يايبتها عيل لا ويقولها احنا نطلعك علشان تشوفين البحرين ما تنحبسين في البيت , ويقول بعد ادا هي تعبانة من الشغل او راسها يعورها خافي عليها المسكينة انا حدي عصبت جان يسطرني كف علشانها ويهددني ان بيدبح اللي في بطني ان سويت لها شي(رفع علي سكين) هدي الله يستر عجووووووووز

تراني والله مو مقصرة معها في شي قلت له المفروض ما تدخل بيني وبين الخدامة في اشياء انا املي عليها ساعدوني شسوي