زوزونوفا تدعوكم لمعرفة اخر الاخبار عن استقبالي لزوجي

اقتباس:

المشاركة الأصلية كتبت بواسطة حنون المزيون أكره ما عندي هالطريقه … نطروني … لي عوده … راجعه لكم أحسها حدها طريقه بايخه

حنونه وش دعوه ليش معصبه ياقمر
انا كمان اكره هاذي الطريقه
بس اظطريت لها
عشان ما تقولوا نسيتنا

بالبدايه كان وصول زوجي الساعه 3:30 العصر
يعني مو بالليل
المهم اخذت السواق ومريت محل ورد واخذت باقة ورد صغيره
وطلعت المطار وكنت هناك في تمام الساعه 4:30
وليسا الرحله ما وصلت
وكمان انتظار نص ساعه
ووصل الغالي
كنت باستقباله وسلمت عليه واخذت الشنط واعطيته الورد
وكانت ابتسامته عرييييييييييضه
واتجهنا للسياره وللبيت على طوووول
وقت اللي كنا بالسياره مبين عليه تعبان
وصلنا البيت
من اول باب المدخل اللي تحت الى باب الشقه فوق كنت حاطه اوراق وردعلى الجوانب
وناظرني وقال حركات حبيبتي الله يستر من اللي فوق
كان مبين عليه مبسووووط
ودخل البيت كانت ثلاث غرف مقفله
الغرفه الاولى غرفة النوم
ودخل غرفة النوم وشاف الوضع متغير
واول سؤال مين غير مكان السرير؟؟
قلت له انا
قال تعب عليك ثقيل
قلت له انا فداك
واعجبه الكفر الجديد
المهم الرجال كان ما يشوف اللي قدامه
ونام ودخل في سبات عميق

وكنت مجهزه الحمام
البانيو عبيته مويه
وحطيت فيه ورق ورد احمر وابيض وعلى الاطراف شموع

جت الساعه عشر وكان كل شئ جاهز ورائع
ما تتخيلو المنظر يابنات
اظطريت اصحيه
ولا كان بيطلع الصبح
وهو ما صحى
المهم
كنت لابسه وصندل كعب ابيض عالي
ولبس الانجل
جنحان ريش ابيض
وتاج فضي
وربطه على الخصر فضي وابيض
تقريبا نفس لبس اليسا اللي بفديو بستناك بس بدون الفستان
ومعي عصا ابيض وفضي صغيره فيها فراشه فضيه
وسويت مكياج تنكري
فضي واسود وكرستالات فضيه لصقتها على وجهي بطريقه فنيه
المهم
صحا من النوووم قال واااااااااااااااااااااااااااااااااااااااو
قلت له لالالالا مافي
يلله معي
قال على وين قلت له استناك

في غرفة السفره الغرفه الثانيه
كنت مرتبه العشاءالفتيوتشيني اللي يحبها حبيبي
وشوربة الذره
وسلطة الذره
وعصير شمبين سعودي
المهم الفكره بالعشاء طريقة تقديمي كانت غييير
حطيت اباجوره على السفره
وكانت الغرفه ظلماء
بس اضاءة الشموع
وحطيت مزهرية ورد طبيعي
والسفره كلها نثرت عليها ورق ورد جوري احمر
اكلنا وخلصنا عشاء
بعد كذا قلت له 5 دقايق وتدخل الغرفه الثالثه
المهم هنا كانت المفاجاه
هاذي الغرفه كانت مسكره وما فيها اثاث
وش سويت فيها؟؟
جبت اكياس زباله الله يعزكم لونها اسود

وقصيتها ولزقتها على الجدران
فكانت الغرفه كلها جدران سوداء
تعبت يابنات كثير وانا الزق الاكياس على الجدار
مجهود كبير بالسلم الصغير
المهم بعد ما غطيت الاربع جدران
جبت بخاخات بويه فضي وذهبي واحمر
وكتبت على الجدران
كلمات ترحيبيه باانجليزي ورسمت قلوب حب حمرا
ومليت الغرفه كتابات
وحطيت اضاءة ايكيا الكرستاليه على شكل نجوم علقتها بالسقف من جوانب الغرفه
وحطيت اضاءه كمان شكل ثاني شريتها عن طريق النت على شكل كور شبكات حمراعلقتها بنص الغرفه
وكمان اضاءه الدي جي الكوره الالوان اللي تدور
وجبت الاستريو ووزعت سماعاته بزوايا الغرفه
وواطراف الغرفه صفيت شموع ايكيا الصغيره وكتبت اسمه
وبالجنب على الطاوله حطيت عصيرات وشيبس
ومليت الغرفه بالونات
المهم
كنت مضبطه الاستريو على اغنية هابي بيرث دي
ووقت اللي دخل زوجي الغرفه
انا كنت خلفه
وشغلت الاستريو بالريموت معي
وكان جو الغرفه خطيييييييييييييييييييير
كاننا في ديسكو

تقدروا تتخيلوا الشكل يابنات
طبعا كان عيد مييلاده فايت وهو مسافر
بس انا حبيت اسوي له حتى لو فات

ورحت المطبخ وجبت الكيكه وحطيت عليها شمعه رقم 28
و5 حبات من( نجووم الليل) وشبيتهم بالولاعه
ودخلت عليه والكيكه كلها منوره شعله وغنيت له هابي بيرث دي
وبعد كذا طفينا الشمعه
وغيرت الاستريو لاغنية تمبرتشر ورقصت له عليها
وبعد كذا قدمت له هديته
وقطعنا الكيكه وااكلنا وشربنا عصير
وانبسطنا بجو الغرفه
كان خيالي
وظلينا نرقص ونسوولف
الصراحه كانت فلللللللللللللله على الاخر

وبس يابنات هذا اللي يحضرني حاليا ومتذكرته
وطبعا الاشياء الاساسيه كلها صارت الدلع والمساج والحمام
واشياء كثير مو قادره اذكرها بالتفصيل
لاني شايفه بنوتات معنا هنا في منتدى المتزوجات

…………………………………………..
………………………………………….. …
………………………………………….. ……..
اتمنى تستفيدو من افكاري مثل ما انا استفدت من افكاركم

ومشششششكورين اولا واخيرا