. زي العسل .

Misskitty
حياج الله حبيبتي منوره الموضوع يالغاليه
و بالعكس مداخلتج على عيني وراسي
و انا حاسه فيج لانه حاشني الي حاشج
بس حبيبتي صدقيني لابد و ان في طريقه تعدلهم
اي انا وياج الكل عليج حتى المدرسات الي اهمه مدرسات منج وفيج عليج
هذا الي يميز مجتمع الحريم الغيره و الحش و للاسف بعض الحريم توصل الغيره عندهم للحقاره و اللئم

انا كنت ادرس متوسط
كنت امشيه الصف مثل المسطره لي اخر اسبوع رخيت عليهم و مشيت لاني كنت ميداني
قسم بالله مافي ولا غلطه بالصف
لاني من اول مادشيت عليهم و انا اعصاب و احرجهم بالحجي
شوفي هذي نصايح عامه اتمنى ان الكل يستفيد منها

الاعصاب مو بكل وقت اوكي انا عصبيه بس على الشي الي يسوا
اخش اعصابي و استخدمها لمن توصل المسئله حدها انفجر
الاعصاب و الصراخ مو كلشي بعض المرات الحجي يخلي الطالبه تستحي و تعدل سلوكها
الحجي اثره اقوى من الفعل و هذا الي لاحظته فعلن
اعطيج مثال
طالبات يتكلمون
اول مره بس يلي ورى
ثاني مره غيري مكانهم
ثالث مره هني عاد استخدمي اسلوب الحجي الي احنه نسميه بالكويتي كسرت العين
مثل شنو
انا ليلحين ماسكه اعصابي و قاعده اتعامل معاكم كحريم كبار و عيب اقولكم بس و خلاص و هذا غلط و هذا صح اعتقد انكم تعديتوا هلمرحله اذا تبيني اعاملج مثل اليهال و اقولج قومي وقفي انا حاضر لاكن ما اعتقد ان هلحجي بيرضيج لانه الكل بشوفج ياهل و هذا اخر انذار بعدها راح تنطردين و مو حلوه بكرامة الواحد ينطرد

صدقيني بعد هلكلام حان لقيتيهم يهمسون هذا ويهي
و اذا تكرر الحجي طرديها و خليها تروح عند رئيسة القسم او اخذيها بعد الحصه ووديهم لها ختنفشهم لج عشان يهابونج

هذا الاسلوب ينفع حق المتوسط و الثانوي
بس الابتدائي في اساليب طفوليه وااااايد بس يبيلها شوية طول بال
و ممكن تستخدمين كلمات حلوه تشجع
مثل انتو كبار
انتو حريم
من هلحجي
على فكره زنوبه بنتي لمن تسوي شي غلط و هي عمرها 3 سنين و نص من اقولها انتي مره و الحريم مايسوون جذي انتي كبيره
تدرين شتقولي تقولي اي صح غلط انا كبيره و تبدي تعدل الغلط
بعض المرات تكرر الغلط هني ابدي امسك بنت اختي و اقولها ماشالله انتي مره و عاجل هني بنتي تنقهر
و يبدي التنافس الايجابي كل وحده فيهم بتثبت ان هي الافضل
و ممكن تضبطينهم بصف عن طريق التعزيز الايجابي مثل التشجيع مثل الوسائل التشجيعيه تقسمينهم مجاميع و تسوين جوائز

في فكره وايد حلوه
خذيتلي رسمة ورده و حطيتها على جنب الصبوره و كل ماادش الصف اسويها
و اكتب يمها وردة الطالبات
و بعض المرات صورة بنوته اكتب يمها ملكة الصف
و هكذا و انتي و شطارتج
و اول ماتدشين قولي اليوم احنه عندنه مسابقه و كل يوم بنسويها اكثر وحده تشارك و هاديه و ماتتكلم و ماتسوي شطانه راح نكتب اسمها عسبوره يم الملكه او الورده او الفراشه و نصفقلها و نعطيها جائزه
و طول الشرح شجعيهم لا تقولن منو الي تجاوب قولي منو الملكه اليوم ؟؟
و لمن وحده تبدي تشيطن قولي لها لالالا شكل فلانه اليوم مو الملكه
و هكذا
تدرين هلحركه شنو ضبطتهم و شجعتهم الصف كله وده يي عندي من كثر المشاركه و الموجه استانست على هشي اصلن قالتلي انتي عارفه شنو قاعده تسوين و وقت الي تبين الصف يشعلل تخلينه يشعلل و وقت الي تبين الصف يهدي تخلينه يهدي
كل هذا بكلمه او فعل بسيط
و بعض المرات النظره تلعب لعب اختي
لمجرد نظره مع صمت قاتل
صدقيني النظره بروحها لها الف معنه و الي مسوي شي غلط بيحس و بيرتبك و بيبتعد عن الغلط
ابسط شي اول ماتدشين الصف عطيهم نظره و صمت ثواني تالي سلمي
صدقيني هنظره بتخلي الشيطان فيهم تخاف لانه ماتدري شنو معنى هنظره و شنو وراها
و برايي بما انج عانيتي السنه الي طافت معناته عندج اغلاط حبيبتي في المعامله
ماتدرين شنو هي ممكن تكون بسيطه بس صدقيني تكون هي السبب
غيري اسلوبج في الكلام وياهم
حطي قوانين في بداية الكورس
وحطي ثواب و عقاب محدد جدامهم عشان يلتزمون
و ممكن تحطينلهم فيديو من تصميمج او صور توضح قوانين الصف
مثل صورة حلج مصكر >>>>>>>>> يعني الصمت اثناء الشرح
او اكل و عليه اكس>>>>>>>>>>> يعني عدم تناول الاطعمه في الفصل
و غيره و غيره
و ممكن اذا تجاوز الامر خارج الحدود استخدمي اساليب و كلمات رسميه شوي تخرع الطالبات
مثل كلمت استدعاء ولي امر او تعهد هذي الكلمات شوي كبيره عليهم بس اذا تطلب الامر قوليها و بطريقه غير مباشره عشان لا الوحده فيهم تروح تتبلى عليج
مثل الطالبه الي ما تلتزم راح اسويلها تعهد
و بجذي تكونين عميتي و خصيتي الغير ملتزمه الي فيهم و كلمت تعهد بنسبه حق كلمتهم كبيره فراح يهابونها

انا عطيتج كذا مثال و اسلوب و طريقه

و انشالله البنات يساعدونه و يتبادلون ويانه الاراء حتى الكل يستفيد

و منوره حبيبتي

زي العسل يسيرون بالشد والشخصيه

ولو اني اعتبر ان (البنات يسيرون زي العسل) هذا حلم وررردي..
لان اللي شافته عيني … عجب العجاب … ماااايعدون حسااب حتا لأكبرها واسمنها بالمدرسه بالاداارة

البنات تغيروا …موو مثلنا قبل .. اللي لاحطت الابله ايدها علا ظهرنا قمنا نتراااعد ونرجف من الهيبه والخرعة

انا ليلحين ما انسا موقف طالبه عندي ايام الميداني بتاسع كانت… والله يابنات صرختها ليلحين ترن في اذني… انا عبالي مشكله بين مدرستين ووحدة منهم اهي اللي تصرخ .. يوم اشوف والا طالبتي.. فععلا چعمت الأبلة بصرخة وحدة لا صرختان .. مسكينه هالأبله كانت اشراف وانا جايه اخذ الصف للمختبر .. وكانت هالابله ممشيه شخصيتها علا البنات وجت هالطاالبه وهدمت هالشخصيه جدااام كللل البنات

وعلا فكرة هذي كانت اول شوفه لي للبنات ليلحين مادرستهم … واول الايام كنت حاقدة علا هالبنت بعدين يوم شفتها محترمتني رخّييت

فيا ترى هل في طرق اخرى نخليهم زي العسل هالبنات؟؟!!

PuPa^^SWeeT
يسلمو حبيبتي علمرور
صاجه في البدايه لازم مافي ترخيه
انا عن نفسي ما رخي بس على حسب الصف في صفوف يكونون شطار و يساعدونج نفسين انج تعاملينهم معالمه سبشل لا ارادي هذا الشي يصير
و في صفوف ماينفع ربع ابتسامه يقلبون لج الصف سيرك

miele
ولو حبيبتي شكرج واصل يالغاليه يكفي ردج
بس صج ضاق خلقي على الابله الي صرخت عليها
اصلن اشلون الابله ستت لها اقل شي اهزءها بلاداره اشيل الاداره و شدخها

شنو هذي يايه اخر عمري تصرخ علي
استغفر الله

اي و الله هجيل غير و يضيق الخلق
الله يهديهم
منوره الموضوع حبيبتي
شصار عليج و وين وصلتي بلاوراق

مشكووورة ع النصائح

فعلا التدريس مو بس تدخلين وتشرحين

اصعب جزء في مهنة المعلمة فهم البنات

يعني يبي لنا ندرس علم نفس ونتعمق فيه

واعتقد يبي لنا خبرة وتجااارب خصوصا من اهل الميدان

عشان نتدارك هالاخطاء

يعطيج الف عافية

وياليت ذوات الخبرة يشاركوننا ويعطوننا من تجاربهم

او مواقف صارت جدامهم واكتسبوا منها شي

وانا لاحظت ان قعدتي مع ابمعلمات وطرح مشكلة الطالبات تعطيج خبرة وحلول

وخصوصا رئيسة القسم احس لها خبرة اكثر في التعامل مع البنات

فراي اسمحيلي ارد علييج…
هذه اللوحة جربتها مع بنات سادس وسابع متوسط استانسو عليها … ويوم جربتها مع تاسع .. قاالو: امبيييه! اي شي!!
تحسسفت اني طبقتها لهم قامو يضحكووون

والهدايا بعد .. انا اقوولج من الحيين لاا تكلفين علا رووحج مايستااهلون… وحدة جاوبت صح وعطيتها هديه ويوم خلصت الحصة جت وقطتها قط علا طاولتي جداامي… ( يعني قصدها ماني ميته علا هديتج) ..وبنت ثانيه اشكره قالت مابي هديه
ولاتحسبون الهدايا من بوميه!! لاا شاريتهم من السنافر يهبلون… بس موو كفو

اولا مشكوووووووووره على الموضوع الحلو مثلج
ثانيا اهم شي اول ماتدخلين لاتعطين وجهه بدون صراخ والله يحسبولج حساب
ثالثا اسلوب الهدايا والله بس مع اولى ابتدائي والمراحل الثانيه مخربينهم اهلهم اي هديه تضحك عليج

واحنا احت معاشاتنا اذا بنجيب الغالي والبنات والله مايستاهلون قله ادب حتى الشاطره طويل لسانها
تقبلي مروري

miele
الحمدلله افتكيتي لا تنسين تقولين لنه شيصير وياج بالمنطقه

طالبة1990
هلا و الله حبيبتي منوره الموضوع اي و الله صاجه الخبره في الميدان تخلي الواحد يتعلم خبرات يديده من المواقف الي يمر فيها و فعلن المفروض ناخذ مواد خاصه في الكليه حق التعامل مع الطلبه لكن للاسف ركزوا عتحضير و الاهداف و خلوا اهم شي رغم ان التحضير ممكن نتعلمه باسبوع واحد و بالممارسه بس المعامله النفسيه مهمه لي و للطلبه و يعدل من سلوكهم
و انا حطيت هلموضوع حتى نتبادل الاراء في هلاطار و انشالله البنات مايقصرو في خبراتهم
و حياج الله حبيبتي

fri2010
هلا و الله حبيبتي
يعافيج يالغاليه
شوفي هذي الوسايل ماتنفع لبنات الثنويه مو لانهم كبار لانهم اهمه يشوفون نفسهم خلاص كبروا و عارفين الدنيا و شاب شعر راسهم
مايدرون انهم تو الناس عليهم
فبتالي راح يستهزئون بالحصه و يقلبونها ضحك رغم ان مافي شي يضحك لاكنهم يعتقدون انج قاعده تستصغرينهم بهطريقه
لاكن ممكن تستخدمين نفس الاسلوب في طريقه ثانيه مثل تحطين بجنب السبوره بوكس و او فلينه فيها ارقام لنفرض ثلاث ارقم مثل هذي الفكره

1-
2-
3-

وتقولين لهم اكثر الطالبات مشاركه و التزام راح نكتب اساميهم هني
و تقولين لهم هلاسامي قابله للتغيير على حسب نشاطكم بصف و تنافسكم و باخر الكورس راح اكرم الطالبات الثلاث
هذا اتفاق حلو و بنفس الوقت يشجعهم انهم يشاركون و اخر الحصه خليهم اهمه يقولولج منو البنات الثلاث الشطار يعني خليهم اهمه يحكمون و يقيمون نفسهم
و اعتمدي هطريقه مع كل الفصول الي عندج و اخر الكورس فعلن كرميهم

هذي الطريقه حلوه و بنفس الوقت تخليهم على طول شغالين وياج بالصف من بداية الكورس لي نهايته و يكون في تنافس ايجابي و بنفس الوقت مافيها شي يستصغرهم
و مثل ماقالتلج ميلي في البعض من البنات للاسف وقحات

miele
و الله حدي انقهرت من قلت ادب الطالبه و الله اصلن المفروض تردين عليها البنات ترى ماينسكت عنهم يتعمدون يستفزون الابله
مع اني انا كنت العب بنات تاسع و اعطيهم هدايا و كانوا يستانسون و البعض كان يزعل ليش ما عطيته بالعكس شي حلو
و كنت اشتريلهم نوتات من بو 100 و احطهم بجياس كراتين ذربه و الله كانوا يهيصون عليها
بس اضاهر السالفه سالفت اخلاق و تربيه بس الله يعينه على جذي طالبات

بس بنات عندي لكم تصايح حلوه بنسبه حق الهدايا لمرحلة الثانويه بالعكس حلوه فكرتها بس لازم يكون شكلها مناسب لاعمارهم يعني تقدرين تشترين نوتات كبار و يكونون شوي كشخه في نوتات الي يصير لهم مفاتيح و اوراقهم فيها عطر
الي يصيرون مثل هذا و وياه مفتاحه

عرفتوه في منه اشكال بنوتيه و الوان تينن انا كنت احبهم و اشتري منهم وايد من المكاتب
و ممكن
قرآن صغير
او كتيب ادعيه
او كتيب من تصميمج تكتبين فيه شروط النجاح و متطلباته و قصص عن النجاح و غيره و تصممينه بطريقه حلوه و يكون بحجي كف اليد
و بعد مانحددين الي تبينه
الحين نبدي بشكل
ترى الشكل و منطر الهديه يجذب

اختاري اي من الاختيارات المتاحه الي عطيتجياه او اي فكره
تحطينها بعلب شفافه او ملونه مثل الي بصور


و في منهم احجام تحصلينهم عند بياع الورد انا كل ما امر حولي احذ منهم 12 حبه من اي حجم

و انتي و شطارتج في التغليف

شكل الهديه بيكون قيم و جذاب و بنفس الوقت هديه قيمه و حلوه
و القرآن من افضل الهدايا الي تقدمينها للبنات خاصه في عمر المراهقه محتاجين تقويه للوازع الديني اكثر و اكثر

و ما اعتقد ان في طالبه ممكن ترده لج مثل ماسوت الطالبه وي ميلي
و كذلك الادعيه
و ممكن بعد ماتغلفين و تربطين الشريطه عليه تثبتين بنص الفيونكه من فوق كرنيه مكتوب عليه طالبه مميزه
عشان تحطه و تستانس فيه جدام ابلاتها الثانيين و زميلاتها

و بنفس الوقت ماراح يحسون انهم يهال بالعكس الهديه و شكلها و تغليفها جذاب و بتحس بالفخر
و الهديه لازم ماتكون بشكل دائم بالعكس تفقد حسها و تأثيرها لازم تكون بالكورس مره مرتين للفصل الواحد و بس

و على فكره بنسبه حق الطالبات لكبار احلى هديه بنسبه لهم الابتسامه و الكلمه الحلوه

شفتوا الافكار الي قلتها لكم سويتها بدرسي النموذجي بس حق الموجه و رئيسة قسمي و كان درسي عن الفيتامينات و حطيت سله صغيره و فيها غش و عليها تفاحه فلين بس شكلها يشوق جنه صج او برتقاله او عرموطه شكلت بلاشكال و تحتها كتيب فيه معلومات عامه عن اهمية الفيتامينات وايد كان شكله حلو و غلفته و حطيته بعلب شفافه و ربطته بطريقه ذربه و صار شكله يشوق و لذيذ و يوع

هههههههههههههههههههههههههههههههههههههههههههههههههه
وسوري طولت عليكم بس حبيت افيدكم بلافكار

منال القب يعطيج العافيه حبيبتي حلوه طريقتج بس ماقلتي لنه شنو قوانينج بصف يعني شنو تقولين لهم من البدايه و لو خالفوا كلامج شلون تحدين من هشي و يسلمو حبيبتي منوره الموضوع يالغاليه