بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
بسم الله الرحمن الرحيم
ماعلينا عندي استفسار هام ياحضريات ؟؟ انا اختي عمرها 25 تحب واحد حضري ويبي يتقدملها الله يوفجهم انشالله بس مو هني السؤال ,, السؤال انه اهله كشخة حيل وعايله كبيرة واحنا بدو بدو يعني شلون اقولها ياربي؟؟؟؟فهموها عاد انتوا المهم ابي اسألكم شلون نستقبلهم يعني انتم مثلا شتقدمون حق الضيوف لان احنا مانقدم غير القهوة والجاي والحلو!!سمعت طريقتكم عصاير وجاتوه!! انزين اختي شتلبس بدله ولا دراعه؟؟ وبعدين اختي مطلقه وعندها ولد شلون تشوفه خالة المستقبل؟؟ تجيبه معاها الصالة؟؟اي صح اختي تقول انه امه مو متحجبه (ياويلي ويلاااه هاهاهاها الله يفكها من عيال فريجنا خخخخ) يعني عادي تقوله خل امك تلبس لفة؟؟؟؟؟ولا نمشيها السالفة ماعلينا (على فكره هاذي اول مشاركاتي وماعندي فكره بأي قسم اكتب استفساري؟؟)وشكراااااااااااا
بسم الله الرحمن الرحيم
ماعلينا عندي استفسار هام ياحضريات ؟؟ انا اختي عمرها 25 تحب واحد حضري ويبي يتقدملها الله يوفجهم انشالله بس مو هني السؤال ,, السؤال انه اهله كشخة حيل وعايله كبيرة واحنا بدو بدو يعني شلون اقولها ياربي؟؟؟؟فهموها عاد انتوا المهم ابي اسألكم شلون نستقبلهم يعني انتم مثلا شتقدمون حق الضيوف لان احنا مانقدم غير القهوة والجاي والحلو!!سمعت طريقتكم عصاير وجاتوه!! انزين اختي شتلبس بدله ولا دراعه؟؟ وبعدين اختي مطلقه وعندها ولد شلون تشوفه خالة المستقبل؟؟ تجيبه معاها الصالة؟؟اي صح اختي تقول انه امه مو متحجبه (ياويلي ويلاااه هاهاهاها الله يفكها من عيال فريجنا خخخخ) يعني عادي تقوله خل امك تلبس لفة؟؟؟؟؟ولا نمشيها السالفة ماعلينا (على فكره هاذي اول مشاركاتي وماعندي فكره بأي قسم اكتب استفساري؟؟)وشكراااااااااااا
لا عادي بس حلو وقهوة وجااي
ماله داعي كيك وهالسوالف
هذا من رااي
وتلبس بدله ناعمة بسيطة مو اوفر والمكياج يكون ناعم
ولااا فشله تقولون حق امه لبسي لفة
لووول ما يصير
والله يوفقها ويكتبلها اللي فيه الخير
أول ما يجون الضيوف تقدمون العصير الطبيعي { أطلبي من مطعم ثقة بطول عصير برتقال، ليمون ونعناع ، كيوي ، مانجا …… الخ } وقدموها بقلاصات العصير الحلوة ،
وبعدين الحلو والقهوة
وبعدين موالح مثل الفطاير وورق العنب والكبب مع الشاي .
وآخر شي البخور والعطور ودهن العود .
ولا تكبرون الموضوع وخليكم على طبيعتكم يعني شنو بدو وحضر ؟
ولا تقولون خل أمك تلبس لفة مو حلوة ، بيقولون انتو شكو
وعيال الفريج لازم يحترمون نفسهم وين قاعدين بالصعيد .
وعلى فكرة ترى آنا بدوية كشخة .
واللبس تلبس بدلة ناعمة مو دراعة وماله داعي الخبه ومكياج خفيف وتسريحة ناعمة
ولاتقولون لها لبسي ملفع ويتراوالي بيون بعد المغرب ظلمة محد بيشوفها
ويتراوالي اهو خطبها ويدري بأصلها شنو واللي يناسب بدو يفتخر ما يفتشل
1- العصيرات
2- الجاي
3- المعجنات الصغيره كلش
4- الحلو
5- القهوه
6- عند الطلعه العطورات والبخور
والا بيتكم خيمه ؟
الصراحه موضوعج مو مقنع جنج تستعبطين
ويكون ابوج واخوانج معاه بالدوانية وبعد شوي يدخل ويقعد شوي ويطلع ومن يطلعون يتصلون بعدها بيوم او اكثر ويقولون احنا عجبتنا البنت ويتفقون على زيارة ثانية للتفاصيل المهر الملجه الحفلة وهالسوالف الله يوفقها يارب …
تطلع بروحها ويكون ولدها نظيف وكاشخ إذا طلبوا يشوفونه يطلعلهم وإلا ما له داعي .
شنو يعني طريج سفر؟.gif "Eh S(3)")
الجهره الحين عن الخالديه ثلث ساعه
والصباحيه عن الضاحيه هم ثلث ساعه
والحين شخبار بدو الكل تمدن وتحضر الا اذا كنتي مو كويتيه يعني من بلد ثانيه عاداتها غير
وعلى فكره لهجتج مو ابدويه
يعني ضيفوهم وقوموا فيهم على عادتكم انتوا بالتقديم والضيافة …..مو عادة أهل المعرس
يعني لو كان اخوج بيخطب وحدة حضرية أكيد أهل العروس بيضفونكم على عادتهم ماراح يسألون شلون عادة البدو بالتقديم والضيافة !!
وأحسن اختج تلبس بدلة بسيطة وناعمة ومكياج خفيف
ومالاداعي تنبهون أم المعرس على شيلتها أو لفتها …هي وكيفها ..
يمكن تاخذ منكم موقف
وعن ولد اختج …مالازم يشوفونه من أول زيارة ….أكيد هم عارفين ظروف اختج …وعارفين ان عندها ولد ….
بس خل يكون مرتب ونظيف ولابس هدوم حلوة ومعطر ..يمكن يطلبون يشوفونه !!
موفقة ان شاء الله