السلام عليكم بنوتات
إشلونكم يا حوااامل
الله يعينكم ويعيني ويفرحكم بالبيبي إن شاءالله
ودي أقول حق كل حامل إستمتعي بأشهر الحمل كثر ما تقدرين من لبس حوامل ومن أذية حركة البيبي 
ومن الثقل ومن تمخطر بكرشتج وإنتي حامل ومن ومن ومن ومن …. إلخ
كل شي بيتغير والحركة بتروح والثقل بروح والسواد بيروح واللوعه بتروح فراح تفقدين هالسوالف هذي كلها وخااصه إلي أول حمال لهم طلعت تالي الليل مع زوجج إذا ياج البيبي ماتقدرون تطلعون على راحتكم وبكل وقت مثل قبل فلا إتعدين هالوقت جذي مرور الكرام
ألحين يه دور سؤال الشامبو 2 في 1
بغيت أسأل أنا فيني فضول 
أروح أسوي سونار ربعاي ألحين وأنا بالخامس وسمعت هم لازم أسوي بآخر السادس وأول السابع هل عادي هل عادي أكرر أسويه كذا مره ؟
وإشلون إذا أبي أعرف إنه هالجهاز إلي بفحص فيه زين ولا مو زين وفيه إشعاع قوي ولأ ؟
وفي شي ثاني بعد بخاطري أسويه بس أستحي
ودي أقعد أسولف مع الجنين وأحسسه إشكثر أنا متشوقه ألمه وأحضه وأشمه وأقوله بربيك التربيه الصالحه وأبيك تكون بار بوالدينك وتحبني أكثر من إبوك <——— هذا أهم شي 
وأبي أسمعه قرآن من كثر ما انا متشوقه ودي أحض بطني لوووووول بس إشلون مايصير
بس ياربي أحس جني وحده هبله إتحاجي عمرها إذا بقعد أكلمه أو بسمعه قرآن أحس مايسمعني وخاصه ساكت ماراح يرد علي
ودمتم يا كويتيات 
بس جنه الأسئله صارو 3 في 1
.gif "Eh S(8)")
إشلونكم يا حوااامل
الله يعينكم ويعيني ويفرحكم بالبيبي إن شاءالله
ودي أقول حق كل حامل إستمتعي بأشهر الحمل كثر ما تقدرين من لبس حوامل ومن أذية حركة البيبي
كل شي بيتغير والحركة بتروح والثقل بروح والسواد بيروح واللوعه بتروح فراح تفقدين هالسوالف هذي كلها وخااصه إلي أول حمال لهم طلعت تالي الليل مع زوجج إذا ياج البيبي ماتقدرون تطلعون على راحتكم وبكل وقت مثل قبل فلا إتعدين هالوقت جذي مرور الكرام
ألحين يه دور سؤال الشامبو 2 في 1
بغيت أسأل أنا فيني فضول أروح أسوي سونار ربعاي ألحين وأنا بالخامس وسمعت هم لازم أسوي بآخر السادس وأول السابع هل عادي هل عادي أكرر أسويه كذا مره ؟
وإشلون إذا أبي أعرف إنه هالجهاز إلي بفحص فيه زين ولا مو زين وفيه إشعاع قوي ولأ ؟
وفي شي ثاني بعد بخاطري أسويه بس أستحي
ودي أقعد أسولف مع الجنين وأحسسه إشكثر أنا متشوقه ألمه وأحضه وأشمه وأقوله بربيك التربيه الصالحه وأبيك تكون بار بوالدينك وتحبني أكثر من إبوك <——— هذا أهم شي
وأبي أسمعه قرآن من كثر ما انا متشوقه ودي أحض بطني لوووووول بس إشلون مايصير
بس ياربي أحس جني وحده هبله إتحاجي عمرها إذا بقعد أكلمه أو بسمعه قرآن أحس مايسمعني وخاصه ساكت ماراح يرد علي
ودمتم يا كويتيات
بس جنه الأسئله صارو 3 في 1
بالنسبة حق السوالف سولفي يسمعج ويسمع قرآآآآآآآنج ان شاءالله يكوون من الذرية الصالحة يارب
انا في بنتي كنت لمن اسمع قران احسه تحررررك ازيييييييد :> مادري تفهم ولا انا يتروالي
بس تبين الصراحه مرة كنت معزووومة على عرسس ومع الدي جي قااامت ترقص رررررررررررقص
مادري الظاهر الياهل يسمع ( استغفر الله مو الظاهر الا اكييييد انا سامعه هالمعلوومة بس جنه من السادس يبدا بحاسه السمع )
وبالنسبه حق الرباعي حلووو او يونس بس حلاته اكثر من الخامس انا سويته بنص السابع كان يونس بس شفت بنتي جيييييييييييييييييييكرة تخرع خفت الصراحه بس الحمدلله يوم طلعت جنها القمر
اهيا تشبهها بس بالطبيعة احلى او يمكن ليش امها اشوفها غيييير مااااااااادري
نطري على روحج لانه للحين الملامح مو مكتملة عدل او الله يفرح قلبج ان شاءالله وتلميييينه ويناديج ماما احلى كلمة :>
الله يسهل عليج يارب
سؤال داش عرض مو دكتورتج؟
وانا نفس سؤالج بعرف اذا السونار الرباعي في اشعاعات خطره؟؟ مع اني سويته والحين بعد بسويه لان في عياده مسويه الحين عرض وبلاش
بروح اجرب اول مره سويته بآخر السادس بس بينت الملامح بس احس كل شي تافخ هاهاها
أهااااا يعني توناس أكلمه وأسمعه قرآن ؟ من السادس وفوق
وانا حدي مستعيله لولل
حبيبتي سإلي وإخذي راحتج
لما ألحين مو مستقره على دكتوره رحت عند فوزية القطان وحجزت مره عند خالده وكنسلت وحجزت عند ناهد وكنسلت مو مستقره وعدم إستقراري موترني لدرجة حتى مادري أولد بالصباح ولا لأ ؟ لأ لاسمح الله إذا صار شي بالبيبي الخاص بحولوني على الصباح على الأقل يلحقون علي أول بأول وودي بالخاص عشان غرفة الولادة والخصوصية لأن الصباح بينج وبين إلي تولد ستاره وودي أسوي إستقبالي بالخاص ورفيجاتي يقولون سويه بالبيت عشان بحوشج حالت إكتئاب وبيضيق خلقج من القعده وزوجي لاعت جبده مني لأني مو مستقره
بس ألحين أخر زيارتين كانت بطيبه كلينك عند أمل سعد وعشان أول حمال لي ماعرف منو الزينه ومنو الشينه
bardana
أنا بعد ماخذه موعد اليوووووم وزوجي يقولي لاتروحين رفيجه قايله في إشعاعات قويه
وأنا حدي أبي أروح ضروري ضروري من كثر ما انا متشوقه
وانشالله برد عليج وابرد جبدي وقلبج
سويت سونار حق ولدي وانا بسادس
متتتتتتتتت من الخرعه كان ويهاا يخرررررررع ومتفوووخ
ماا عجبني وقمت اوسوس قلت اكيد بيطلع جيكر
بسسسسسس الحمدالله طلع قمررر وربي شاهد
سويت بالتوام وانا بدايه الخامس كان يشكلهم يونسسسسسسسس وكنت اسوي مع كل مراجعه علشان دكتورة تتطمن
بس بعدين بالسابع ما بينوو عدل لانه ضاق عليهم المكان
وبس اشوف ريولهم وراسهم بروح بروح
وريلي كان على طول يقرا على بطني قران وعيالي ما ينامون الاا لما اشغل لهم سورة يس
ودليل انه البيبي كان يسمع
بس انج تحاجين البيبي وتسولفين معاه شي حلو
حاولي تقرين قصص وتقرين قرآن وتحاجينه وراح تشوفين النتيجة بعدين لان البيبي يسمع واهوا داخل بطن امه
بس مارديتو على سؤالي الثاني عادي السونار الرباعي أسويه كذا مره؟؟؟؟؟؟؟؟؟؟
أمبيه خرعتيني
وانا الحين بالتاسع
لأن لازم يجيكون على حجمه ووزنه ويشوفونه طبيعي ولا لأ كل شهر
وبالنسبه حق الرباعي انا سويته لما كنت بالثامن
وطلع واضح وحلو ، بس يقولون احسن شي بالسابع
واذا سويتي الرباعي لا اتسوين السونار العادي بنفس الشهر
يعني بالكثير كل شهر مره مو اكثر
بس عشان يتطمنون عليه
وكلمي البيبي ترى يسمعج ويميز صوتج ويحس فيج
الله يتمم عليج يارب
انا حدي مثلج كرمله حدي ودي اسووولف معاه ودي يرد عليي بس ما يرد حسااافة حتى الحركة ما احس فيها الا خفيف بالليل
بالنسبة حق السونار انا كل شهر اسوي السونار العادي وباخر الرابع سويت الرباعي ما كان واضح قالتلي الدكتورة بالسادس يبن
ولما كان فى عرض بالعيادة اللي بالشعب ابلاش كنت ماخذة موعد بس قالولي مو زيين اتسويين الحين ونتي امسويه من قبل وبتسويين بالسادس فمارحت قلت اسوي بالسادس احسن لانه كثرته مو زينه
والله يسهل عليينه كلنا انشاالله