ساااااااااااعدووني يابنـــات ؟ بعد ماتولدين الخدامه ضروريه والا لا ؟

مرحبااا

بنات انا بمشكله كبيره وابيكم تشوورون علي !

اسمعوا السالفه
انا من ولدت ماجاب لي زوجي خدامه !
وطبعا ماتكلمت يعني قلت بنت وكانت صغيره وكله نايمه يعني احس كانه انا وزوجي بس ماتعبتني معاها !
المهم
كنت قبل اولد مو مقصره معاه فناتق وحركات واحلى لبس والله سبحانه يدري
المهم ولدت ومع الايام البنت صارت تقعد وتتحرك واجد واي شي جدامها تسحبه ولازم احد يتابعها وصارت تعرفني بس اروح مناك تبجي بجي والله
بس تبيني اشيلها (8 شهور) المهم احس بديت انضغط مع الريوق وغسيل المواعين والغدا وترتيب البيت وغسيل الملابس
والعشاء والكوي والبنت نفسهاا صايره تغث بشكل مو طبيعي وهو يشوف طبعاا وجدام عينه !
واذا نزلتها تحت على اني بخلص شغلي ربع ساعه بالكثير والا هم رادينها !
مامداني اسووي شي ولا هو راضي يشيلها
احس تضاايقت حيل
مايحس بالمره وسكتت ماتكلمت !
خرب المصفي والبراده صار مافيها ماي قلت له قال اشربي من الحنفيه عصبت وتنرفزت بس مارد علي !
وسكتت
المهم انا غرفتين بس والمطبخ صغير حيل يالله ادخل مثل الممر وكل شي فيه !
ووحده من الغرف كبيره شوي قلت له ابيك تقسمها ابي واحد مخزن لانه اغراض بنتي بكل مكان !
وطبعاا هو تنازل عن الكبت ماله وعطاه بنته مو راضي يشتري لها لا كبت ولا سرير ورضى بدرج واحد بس كل ملابسه فيه
قلت له عاد ابيك تقسم الغرفه رفض رفضا نهائياااا انسي يعني مافي قلت له غرفة النوم صارت مخزن من كثر الاغراض
رتبني شوي طبعاا هو قايل لي من دخلت عليه ان ماراح يطلع شقه بروحه نقعد بالغرفتين لما يطلع له بيت يعني بعد 15 سنه

؟ حنيت حنيت وقلت لخالتي وهو راااافض سكتت !
وبعد فترة خرب الدش مال الحمام تكرمون اذا تسبحت يعني الماي اللي بالبانيو يطلع كله بره يترس الحمام
قلت له صلحه صلحه وجني اكلم طووفه
ماصلحه طبعاا وانا رضيت علشان بنتي !
ومع الايام صار يهاوش صرت اقصر بشغلات شوي مثل مااغسل الملابس الا لما تنترس الغساله لانه صراحه بنتي فضيعه
بس اطلع منيه تشاااهق وربي تغث وصايره بس اقعد عندها ولا راضي احد يسااعدني عليها طبعاا مو كل مره اقصر انا بالعاده شغله جاهز بس الواحد مو كامل
واذا ماغسلت قلب الدنياا علي وسووا سالفه شكبرهاااا وزعل وطنقر وانا مااعاد اقدر الحق واذا قلت له امسك بنتك زين
ينزلها تحت ومامداه راح الا هم رادينهاا لي !
طلبت خدامه تساعدني رفض قال خدامه مافيه الا بعد 4 عيال قلت خيررر
ليش ان شاء الله تبي كل شي كامل مكمل وانا ماعندي خدامه عالاقل تمسك بنتي بس انا اقووم بشغلك والطبخ
طبعاا رفض وزعل علي مادري على شنووو بعد مع الايام صرت ماعاد الحق خلاص من شغله لشغله وزين انزل عند خالتي
تحت ؟ صرت البس بجايم عاديه للبيت مايمديني اريح شوي الا هو جاي انتي ماتكشخين لي وانتي ماتلبسين
قلت فربك وين اقطع عمري خلاااااااص تعبت وربي
ورافض اني اكمل دراستي ؟
المهم قبل امس كان نايم بغرفة التلفزيون وطادرني مايبيني انام عنده مادري من شنو زعلان
اخذت اللاب توب ورحت غرفة النوم على ساس اشبك لما يجيني النووم
شوي والا هو داخل علي
شنووو هذااا انتي بس قاعده على اللاب توب وانتي بس نايمه وانتي وانتي
كل شي صار فيني الحين
قلت انت اي مشكله تصير لازم تدخل اللاب توب بالسالفه ترى مايهمني والله
قال والله لبيعه وتشووفين ؟
قلت شهالحاله انت شفيك
يضيق خلقك ان شفتني قاعده بس تبيني اكررف قال شحقه متزووجج انا
قلت متزوجني علشان اكرف بس ترى انا انسانه مثلك انام واكل وابي ارتاح شوي بعد
قال انتي خدامه عندي وعند بنتي قلت خير خدامه عند بنتك اوكي بس عندك لا
المهم تهاوشنا وقال امشي لهلج قلت اوكي
ولم اغراضي كلهااا
ورحت لهلي !
وطبعاا يعطيني كل شهر 70 بس ولا يعطيني مصروف لبنته
انا اشتري لها من فلووسي ونصه يطير عليها وانتوا تعرفون اسعار السووق الحين
واذا قلت له ابي من 50 بنتي 20 بس اشتري لها ملابس فيهاا
قال لا ال50 اجيب فيها حفاظات وحليب قلت 20 بس تكفي لحفاظات وحليب 30 وين تروح !
ولا راضي يحط لي تلفوون بيت!
بنات شسووي معاه هذا
انا قلت له ماراح ارجع الا لما تجيب لي خدامه وتقسم الغرفه لي والا كيفك !
انتوا شرااايكم انا تعبت وربي حييييل
فيدووني تكفوون وادري طوت عليكم وازعجتكم