ساعدوني الزوج يبي يذوق طبخي

اعذروني علي البدليات شابكة من فووني ههههه

اب اب اب

حبيبتي بقولج طريقتي بس مادري اذا تعجبج ولا لا
شوفي يالغلا تطلعين الدجاج الصدور اللي بدون جلد ولا عظم وتنقعينهم بماي حار عشان يفج عنه الثلج وينزل منه شوية الدم

وبعدين تحطين شوية ملح وفركي الدجاج عدل عشان ينزل منه الدم وينظف وبعدين قصيه مربعات بس لاهي مربعات كبيره ولا هي مربعات صغيره يعني وسط ..~
وتطلعين كل الخضراوات اللي تبين تحطيها من كوسا وباذنجان وطماط وبطاط وجزر وكلهم قطعيهم مكعبات حجمها وسط
بعدين اقليهم كلهم ربع قليه يعني مو يستوون ديري بالج لااا بس شوي يقلون وطلعيهم وحطيهم على جنب ..ْْ
المهمـ ..~
تجيبين المقله اللي صايره مقوسه اللي يسوون فيها النودلنز واذا ماعندج مو مشكله جيبي جدر حجمه وسط وحطي فيه بصل مفروم وثوم مفروم وزنجبيل مفروم واحمسي شوي وحطي فوقهم شوية زيت زيتون واحمسي لين ما يشقر لونهم بس مو يحترقون ديري بالج < ملاحظه ترى انا كل طبخي على الزيت زيتون نااااااااادر ما استخدم الزيت العادي لانه الزيت الزيتون يعطي للاكل نكهه خاصه وحلوه واخف شوي من الزيت العادي وافيد ..~
المهم وتحطين مكعب واحد ماجي وبهارات مثل كمون وكركم وفلفل اسود وملح و كاري الهندي و بهارات الدجاج وبهارات مشكله بس مو تكثرين يعني من كل شي شووي مقدار نص ملعقه اكل وسط ..~
بعدين تجيبين الدجاج المقطع مربعات وتخلطينه مع البصل والثوم والزنجبيل وتحمسين لين ماتحسين انه الدجاج نضج وصار لونه ابيض بس ديري بالج الدجاج مو يتفتت يعني احمسي شوي شوي وبعدين جيبي كزبره مفروم وحطيه فوق الدجاج واحمسي شوي بعدها جيبي كل الخضراوات اللي قليتيهم ربع قليه واخليطهم مع الحمسه واخليهم كلهم مع بعض بس شوي شوي عشان ما ينعجنون الخضراوات من كثر التحريك وممكن تضيفين معاهم فلفل اخضر مقصص مكعبات وسط وتحركين عدل عدل بعدها جيبي طماط معجون مقدار علبه كامله وحطيه فوق الحمسه واخلطيه مع الحمسه عدل بعدها ذوقي الحمسه وشوفي اذا تحتاج ملح او فلفل زياده بس بليز مو تكثرين بالبدايه من البهارات قلت لج شووووي يعني مقدار نص قفشه طعام وسط ..~
خلصتي من الحمسه خلاص سكري النار عليها وحطيها على جنب ..~
روحي للعيش تكونين غاسله عيش وناقعته قبلها بساعه ونص عالاقل عشان تصير حبة العيش طويله بعد ما تخلصين من الحمسه روحي للعيش وكبي ماي النقع وروحي جيبي جدر ثاني حطي فيه ماي وقفشه وحده ملح وبهارات صحيحه وشوية ماي ورد يعني قفشه وحده ماي ورد ..~
خلي الماي يفور شوي شووووووي بس يعني من تحسين انه الماي بادي يغلي ويصير صار روحي وكبي العيش فيه وخلي العيش يطبخ شووي بس لازم الماي مايتعدى الاصبع عن العيش يعني مو تحطين ماي واجد واذا صار الماي عميق اخذي طاسه وقفشه وشيلي من الماي شوي لين تحسين انه الماي ماتعدى عن العيش الا اصبع واحد ونص بس
وخلي اليش يطبخ بس مو واجد عشان مايصير متلاصق و حباته تتكسر ..~
بعد مايطبخ العيش ارفعيه عن النار وجيبي جدر ثالث كبير شوي واحمسي فيه بصل مفرروم مع شوية زيت زيتون وبعدها جيبي جدر العيش وجدر الحمسه وحطيهم جنبج واخذي شوي من العيش وحطيه على الجدر اللي فيه بصل مفروم ومحسوم وبعدين اخذي شوي من حمسة البرياني وحطيه فوق العيش واخذي عيش وحطي فوق الحمسه وبعدين اخذي الحمسه وحطيها فوق العيش وكرري هالطريقه لين مايصير اخر طبقه اهيا العيش بعدها جيبي ماي ورد منقوع بالزعفران الاحمر ورشي العيش فيه مع قفشه صغييييييره هيل ناعم وبس بعدها سكري جدرج وحطي تحته حديده على نار هااااااااااديه جدا لين وقت الغدا ولي جيتي تنجبين اقلبي الجدر بصينيه كبيره واخلطي العيش مع الحمسه رح يصير برياني وصدقيني طريقتي سههههله وما تاخذ وقت بس انتي ركزي شويه بالخطوات اللي قلتها لج ومرح تلقين صعوبه ومره ثانيه لا تجذبين على زوجج من اولها تجذبين ونافخه ريحج ترى حبل الجذب قصير خخخخ وموفقه ياارب