ساعدوني بالصالون

واعتقد ان لو تشوفين اي صالون للبيع مع العمالة يكون احسن لج بدال الدوارة .. شوفي الجرايد اعلانية وبتلاقين طلبج ان شاءالله

موفقة

بعد قلبي ماقصرتوا

تأجرين شقه وتأثثينها اوتشترين جاهز

شلون على المكان والرخصه ؟

لازم عندج مندوب على اقامتج يخلصلج اوراق التجاره اوصاحب الرخصه يخلصها

اذا ابي عماله عربيه

مثلا 4 لبنانيات و 6 من شرق آسيا

شلون اييبهم ؟

من داخل الكويت لان الفيز مسكره ورواتبهم تكون عاده عاليه لانهم عربيات

شلون على سكنهم ؟ هل الصالونات يلتزمون بسكن موظفاتهم ؟

لاا

وجم التكلفه التقريبيه ؟ ورواتب الموظفات لبنانيات جم تقريبا ؟

التكلفه مابي اخرعج بس واااايد لان اول سنتين ماكو ارباح تغطين من جيبج والرواتب للعربيات من 300 وانتي رايحه

وموظفات شرق آسيا جم رواتبهم ؟

من 80 هنديات و100 وفوق اسيويات

نصيحتي

اشتغلي اما في بدل السهره او اي شي له علاقه بالاستقبالات مثل الاكل او الكفرات او الولاده او الكاكاو

بس الصالونات متروسه بالديره وصعب تحصلين ثقه الزبونه الا بعد فتره طويله

غير ان الفيز للعماله الوافده مسكره يعني ممنوع من بره الكويت حسب علمي والي عندها موظفات ماسكه فيهم بايدها واريولها

اذا مصممه

اشتري صالون وضغطي علي صاحبته بالسعر لان تأكدي انها خسرانه فيه

واي مساعده على الخاص

تامرين حبيبتي