ساعدوني عن المجلس الطبي متي .؟؟

والله ماعندي فكره وانشالله البنات يفيدونج بس ماحبيت مارد عليج

تبين على السنه الجديده يعني اخذي موعد بالمجلس الطبي قبل رمضان وروحي معاج تقاريرج وان شاء الله خير

أنا خذيت مجلس طبي

اهوه طريقة المجلس الطبي

تاخذين من المدرسة

نموذج رقم 1

تعبينه .. تكتبين طلبج

و اتوقع عليه الناظرة

و اتدودينه لسكرتيرة مراقب التعليم ( للمرحلة اللي انتي تابعه لها ) بالمنطقة اللي تابعه لها

و اهيه تاخذه و اتقولج نطري قريبا من أسبوع إلى اسبوعين … الى ان يتم توقيعه من الجهات المختصة

و طبعا … لما يتوقع … راح تاخذين الورقة و اتودينها … لمركز المجلس الطبي اللي بمستشفى الصباح

و يعطونج موعد مقابله … طبعا رفقي معاه كل أوراقج المتعلقة بحالتج

بس هم اقولج يبيلج واسطة ..

لأن أنا حملت علاج .. و لا بعد صار معاي اجهاض

و لما رحت جذي

ما وافقواااااااااا .. و لا بعد كانت وحده قبلي داشه الكعب شبرين و اللبس الله لا يوريج .. دشت

عليهم … و اهيه اتقول هاااااااااي و تتضحك .. و اطلعت و اتقول مشكوووووووورين

و انا التعبانه و اللي حالتي حالة … ما وافقوا علي

و خذيت موعد ثاني و هالمرة مع واسطة وافقووووووووووووووو غصبن عليهم

حبيبتي انا نفس الحاله هم حامل وتعبانه ومابي اداوم وحاليا ماشية في اجراءات ا لمجلس الطبي واول خطو سويتها رحت المنطقة التعليمية واخدت نمودج طلبت فيه تحويلي لمجلس طبي وبعدين رحت مستشفى الصباح وطلبت من الدكتور تقرير بحالتي وموعدي بكره استلم التقرير والله يسهل الأمور يارب ولاتنسين صوره من بطاقتج المدنيه وبطاقة زوجك