زوجي من صار عندنا عيال ما قام يطلع من غرفت النوم نهائيا
الصاله ناسيها تماما
يعني يرجع من دوامه يدش غرفت النوم
ياكل ويشرب عالفراش واذا قلت له تعال تغدى مع اليهال قالي مالي خلق واذا تكلمت زياده قال انتي ناويه المشاكل
والله نفسيتي تعبت من هالوضع
احس نفسي مشقوقه شق نص بالصاله ونص بغرفت النوم
اليهال بعدهم صغااااااار وحده سنه ونص والثانيه خمس شهور
وهو له طلبات ما تخلص ولازم اقعد معاه لين ينام
طبعا طول ما هو موجود بالبيت انا بس اركض اشوف طلباته واروح الصاله اطل عاليهال الي هم محتاجين وجودي معاهم ما قدر اقطهم عالخدامه
ياربي والله احس ضغط رهيب فوق راسي وهو مو راضي يقعد بمكان فيه اليهال يعني اكون معاه ومعاهم بالوقت العادي
واذا قلت له انا تعبانه يقول هم انا تعبان
اقوله هذيلي عيالك
يقول وانا اكد بالشغل حق منو
مو راضي يشاركني بتربيتهم ولا يفكر فيهم ولا راضي يعذرني اذا قصرت ولو بشي بسيط حقه اصير مهمله ودايما مقصره في حقه
طولت عليكم بس والله من حرتي
قولولي شسوي معاه
زوجي من صار عندنا عيال ما قام يطلع من غرفت النوم نهائيا
الصاله ناسيها تماما
يعني يرجع من دوامه يدش غرفت النوم
ياكل ويشرب عالفراش واذا قلت له تعال تغدى مع اليهال قالي مالي خلق واذا تكلمت زياده قال انتي ناويه المشاكل
والله نفسيتي تعبت من هالوضع
احس نفسي مشقوقه شق نص بالصاله ونص بغرفت النوم
اليهال بعدهم صغااااااار وحده سنه ونص والثانيه خمس شهور
وهو له طلبات ما تخلص ولازم اقعد معاه لين ينام
طبعا طول ما هو موجود بالبيت انا بس اركض اشوف طلباته واروح الصاله اطل عاليهال الي هم محتاجين وجودي معاهم ما قدر اقطهم عالخدامه
ياربي والله احس ضغط رهيب فوق راسي وهو مو راضي يقعد بمكان فيه اليهال يعني اكون معاه ومعاهم بالوقت العادي
واذا قلت له انا تعبانه يقول هم انا تعبان
اقوله هذيلي عيالك
يقول وانا اكد بالشغل حق منو
مو راضي يشاركني بتربيتهم ولا يفكر فيهم ولا راضي يعذرني اذا قصرت ولو بشي بسيط حقه اصير مهمله ودايما مقصره في حقه
طولت عليكم بس والله من حرتي
قولولي شسوي معاه
الحل انج تنومين اليهال الظهر. الصغير خل الخدامه تنومه. والكبير انتي نوميه. سواء قبل مايرجع ريلج او عقب الغدا. واهوا اول يومك ماراح يتقبل راح يتم بالغرفه بس من يشوف البرنامج اليومي مالج تغير بتلاقينه من نفسه يطلع يتغدا معاكم لانه متاكد ان اليهال بينامون عقبها. واذا حسيتي موعاجبه ليلحين وكلي اليهال ونوميهم قبل مايوصل. وترا من يكبرون يتغير الوضع
والله يسهل علينا
وانتي لازم اتبين له انج تعبانه وانج تبذلين مجهود من بينه وبين اعياله ولازم يقدر
وبعدين رتبي نوم اليهال واكلهم لان اهو من صج ايي من الدوام تعبان ولايعه جبده يبي يرتاح
الحين انتي بالمشكله.. حولي تقعدين اليهال مبجر من النوم.. او وديهم حضانه عساس ينامون حزة ردة ابوهم من الدوام.. حاولي يكون لج يوم بالاسبوع مع زوجج بعيد عن اليهال.. لو ساعتين تطلعين فيها.. حسسيه اهو مهم بعد..
الله يهديه
صحيح انا بنت لكن والله اني افهم احسن منكم ي المتزوجات خخخ
والله من كثر م تميت اقرى من انا صغيره فالمجلات والكتب واتابع برامج احسن اني انافس فوزيه الدريع
ما عليكم لو ماتت انا بطلع بدالها
المهم شوفي شي طبيعي محد يتحمل صجه العيال
اذا انا انثى لما يتجمعون اخواتي وحريم اخواني وعيالهم ووواي راسي يوجعني مقدر اتحمل
اتم فغرفتي ولا اواصل نومي لان متحمل اصواتهم .. تكسر راسي
المهم
فانتي اذا تميتي تضغطين على زوجج تعال تعال و و و
ترى ما بتستفيدين شي .. لان هالامر مب بايده
الا بتعقدين الوضع اكثر
فمالج الا هالحيله الي بقولج عليها تراها جدااا سهله بس فعاله
شوفي لما يكونون العيال نياام والبيت هادي
روحي ناديه وتوددي له قوليله تعالي العيال انخمدوا خلنا شوي نغير المكان مع بعض
شوي نجدد
ووفري له اجواء حلوه وهاديه وسوالف حلوه
وصدقيني بيعجبه الوضع ومره على مره بتشوفينه قعداته فالصاله بتكثر
حتى لو ما تغير الوضع 100%
بس صدقيني بيتحسن
وشي… ابرك من لا شي
وبعدين يحق له مين يتحمل ازعاج اليهال والله اني مرات ابغا احط كل من فالبيت في قدر ضغط وخليه يضغطهم لين ما ينفجر بلي فيه لووووووووووووول
وخلاص خليج قنوعه ووع اش تبين من مقابل وجهه
اصلا مب حلوه قعده الازواج الكثيره ..
ملل
المهم وادعي الله يحنن قلبه عليج وعلى عيالكم
حقريه بالدار مرده تطق جبده من القعده بروحه وايييكم يقعد معاكم
استغفر شنو هالنوعيه من التاس شي غرييييب وعجيييب والله
يعني شنو المطلوب منج؟ تتقطعين؟
حقريه ولا تلحقينه
واذا قالج ليش وما ليش قولي لين متى بنتم على هالوضع؟ ذيلن يهال ومحتاجيني
انا مايبتهم عشان اقطهم على الخدامه
شنو ذي اصلا تعب عليج ،،نصيحتي الريال الي يمصخها ومايحس ع دمه
حقريه ولا تعطينه ويه ولين سئل بنفسه قولي الي بقلبج،،كلميه عدل ولا تغيرين اسلوبج لكن لا تراكضين ورا
انا اشوف ان مضايقج قعدته بالغرفة علشان جذي بالغت بوصف التعب والشكل السلبي
عالعموم العيال بالعمر اللي ذكرتيه
غالبا شغل ام
محتاجين للام اكثر
حفاظات وحليب
خاصة بو5 شهور
الابو بيضحك وبيلعب ويتركهم
مادري انت ساكنة مع حمولة ولا بروحكم
العيال لهم غرفة خاصة ولا وين ينامون
اذا لهم غرفة حطي لهم الالعاب
وحاولي واحرصي ع تعديل نومتهم
يعني نومتهم الطويلة بالليل
لهم تقيولة خفيفة
انا تصورت الوضع عيالج حيل مزعجيييين ويبجون وانت ماتنلامين عندج نقص خبرة
مايكفي نتحلطم ونشكي
لازم نبذل جهد
حتى لو زوجج غلطان اناني
مايكفي نقول جذي
المهم حل
سوي اللي بيدج
وخلي الصاله مكان للاسترخا
قهوة جاي تلفزيون
الاكل مايقعدون معاكم ليما يكبرون ياكلون عدل بدون لا يوصخون
حزة الاكل حطيهم بغرفتهم اللي بالدراجة المشاية واللي ع قاري مع العابهم
نظمي وقتج
عطي نفسج وقت ولزوجج ولعيالج
واذا ماعندج خادمة جيبي تقعد معاهم وتساعدج
مااقول قطيهم عليها بس عاللاقل تراقبهم وانت مشغولة
ترى حتى الحفاظ ابدله لعيالي بس هم الخادمة تريحج
وارد واقول مايكفي نتحلطم المهم حل
الا في شغلات ماذكرتيها خاصة بينكم تخليه يتهرب؟
بعمرها راح تلهى بالتركيب الحجم الكبير و ديرفه وزحلاقيه وحطي تحتهم الاسفنج وخلي الخدامه مجابلتهم بالغرفه وقفليها علشان بنتج ماتطلع وولدج الصغير حطيله كرسي ديرفه اللي فيه العاب من فوق وحطيلهم تلفزيون على قناة اطفال اناشيد راح يعدي الوقت وانتي مرتاحه يعني خلي الصاله فاضيه من الجهال وبدون ازعاج
وقولي حق زوجج ان الصاله فاضيه مافيها جهال وهدوء
يا اختي احنا امهات يالله انتحمل الازعاج ومتأذين فما بالج الابو مهما كان مايحن عليهم كثر الام
واللي تقولج نوميهم بالله لي متى؟؟ نايمين ؟؟ اذا طول اليوم قاعد بالغرفه معناته اهو يبي بكل وقت هدوء لي ناموا الظهر بيقعدون العصر واحتمال بيسهرون على راسج بالليل
انتي سمعي كلامي انج توفرين مكان للجهال وراح انتي ترتاحين واهو يرتاح والله يوفقكم ويريحكم*
شكو ! يعني محد عنده ياهل غيره
الله يهديه يارب
عيل شنو يسوون الرياييل الي عندهم 5 و 6 يهال صغار
يرجع من الدوام يجابلهم و يتغدا وياهم !!
شدعوة يروح يتغدا على الفراش !! :/
حبيبتي تقعدين وياه و تكلمينه اوكي لا يقعد بالصاله اذا صيحه اليهال مضايقته
بس على الاقل يرد من الدوام يرجع يقعد شوي وياج على الغدا
تتغدون ويا بعض ..
انتي لما يرجع من الدوام خلي اليهال عند الخدامه في غرفه غير الصاله
و زهبي الغدا بالصاله و كشخي و خلج ناطرته ..
قوليله انا خليت اليهال بروح عشان انا وياك كل يوم تنغدا ويا بعض ..،
قوليله انا مابي الا وجودك وياي .. صح كلامه واغلب الابهات جذي
انتي المسؤله الأولى و الأخيره عن عيالج ..
اهوة دام يشتغل عشانكم يوفر لكم كل شي تبونة ما قصر و يسلم راسه
بس سالفه انه 24 ساعه في الغرفه هاذي صعبه ولازم تغيرينها ..!
ديري بالج .. ترا الريال على ما تعودينه اذا سكتي عن السالفه
وخليتيه سنه سنتين 3 بالدار ياكل ويشرب و ينام على بو انه عنده يهال مزعجين ..
راح يظل طول عمره لا يجابلج و لا يجابل عياله ..
خلج صارمه وياه ، قوليله تعال وياي تغدا و قولي كل الي تبيه
اما سالفه صيري خدامتي و الغدا يوصلك ليه الفراش هاذي صعبه علي !!!
معاه حق بصراحه انا وماعندي الا بنت وحده وهبلت فيني امس وربي سويت اضراب قلت لزوجي خذ خزامى ودها لامي
بجلس برواق وهدوء طفشت من الصراخ
حاولي حبيبتي ترتبين وقتك وهيئي له جو هادئ
وكل شي وله وقت عيالك ولنفسك ولزوجك
والبنات ماقصرووا
ابي ارد من الدوام القاها نايمة
ابي اخذ راحتي بالبيت ومن هالحكي
الحل نظمي نوم عيالك بحيث لما يرجع زوجك البيت
يكونون العيال zZ zZ zZ zZ
وتنحل المشكلة
بنات حرام هذيل عيالا والا متسلفهم وعشتو مو مستحمل ضجتهم لو حفله جان قعد وستانس ولا جنا ازعاج حبيبتى هذي نعمه وشنو ياكل بالفراش مطهرينا ومايبى لويا يحسسنى يداوم بالشارع الله يخلى دوامتنا بالكويت مكاتب وحش واكل وسوالف اقول خلى يقعد بروحا اخاف فى مرض التوحد مو لدرجه ياكل بروحا بالغرفا حرام عليه عيالا اااااااااااااااف باط جبدي
اول شي ادعي 24 ساعه ان الله يسخره لج ويسخرج له ..
اليهال .. جابليهم صح انا معاج مانقطهم عالخدامه لكن خل تعاونج تنظف تحتهم انتي ماسكتهم خل اهيا تبخر البيت بسرعه .. اهيا ماسكتهم انتي تعدلي ولبسي و تكحلي ..
حطيتي غداه تحرشي فيه ..عاامليه كأنه ياهل بدلع والله الحنه ماااوراااها غير حرة القلب وتشيلين بقلبج ويصير فيج ضغط واهوا حاط راسه ونايم ولاهمه ..
وبعدين شستفدنا .؟؟؟
بينج وبين نفسج..
متى اخر مرة يبتيله هديه لو عطر ؟؟؟
لاننطر مناسبه (حتى انا هامله هالسالفه)
متى اخر مرة مسويه نيو لوك … مغيرة ستايل ملابسج بالبيت مغيرة نظام بجاماتج ..
والله اشياء سخيفه ترضيهم اففففف
اول شغله تسوينها ..نووو يهاااال بعد نطري 3 سنين عالاقل ..
غيري ديكور بيتج من غير لايدري ضيفي لوحات زرع وروود براويز كبري صورته وحطيها —–>..اذا تبين صورتي عادي
مفرشكم غيري لونه كسري القاعده خل يحس بنظام يديد .. قولي بينج وبين نفسج من اليوم انا غير وانشالله اهوا غير ..اذا كنتي تحنين لاتحنين اذا كنتي عصبيه طخي اذا كنتي مهمله اهتمي … انا ماعرفج لكن اتكلم بشكل عام جربي لو يوم واحد وقوليلي
والله يصلحكم