ستيك سريع ولذيذ بالمشروم

هلا بخواتي العزيزات
بقولكم اليوم طريقة الستيك بقمة البساطه

طبعا توج راده من مركز السلطان وشاريه شرايح ستيك فريش ولا تنسين تقوليله يتبل لج اياهم

ييبي اللحم وقلبيه بالمقلاة من غير دهن لانه اللحم يطلع الدهن بس كل ماتميتي رشي رشة ماي بيدج

وقلبيهم مرة ومرتين لين تحسين ان اللحم نظى
وشيليه على صوب
الخطوه الثانيه
ييبي البصل المفروم وحمسيه بالمقلاه نفسها وحمسي المشروم معاها
حطي عليهم ملح وفلفل اسود
ويفضل الفلفل الابيض بس اذا ماعندج عادي الاسود
وبعدين صبي فوقهم كريمة كي دي دي وخليها تطبخ معاهم وقصري على الجوله
وردي حطي شرايح اللحم على الكريمه والمشروم والبصل وقلبيهم

لي شفتي الوضع تمام والمكونات خذت على بعض سكري الجوله
وحطيهم بصحنج اللي بتقديمن فيه مع الماش بوتبتو وخضار سوتيه

وعوافي غلى قلوبكم