سعادة الدنيا والاخره مارأيكم بالفكره!!؟

السلام عليكم ورحمة الله وبركاته ،،،

كيف حالكم يارب تكونوا بخير …؟

(( كل بني ادم خطاؤن وخير الخطاؤن التوابون))

من فينا ماتكلمت او جابت سيرة وحده سواء عن قصد او بدون قصد ..

فيه منا اللي ظلمت ..

وفيه منا اللي تكلمت بعرض الناس ..

وفيه منا اللي قطعت ارزاق الناس ..

العفو انا ماتهمكم او اقصد عضوة من عايلة منتدى كويتيات ( واسمحوا لي اقول عايله لان احنا في هالمنتدى نعتبر عائله وحده )

ويعلم الله اني احبكم فالله واتمنى لكم الخير

عشان كذا بقولكم اقتراح بأذن الله سوف ينفعكم ويفيدكم عند لقاء العزيز الجبار ..

شو رايكم يابنات من هالشهر هذا تسوون استقطاع لأي مشروع خيري بنية ان هالمشروع يكون صدقه لأي شخص انتوا ظلمتوه او جنيتوا عليه او جبتوا سيرته بالغلط سواء عن قصد او بدون قصد ..

وصدقوني بتشوفون بعينكم سعادة الدنيا والاخره باذن الله

الله يحفظكم من كل شر ويسعدكم بحياتكم ومماتكم ويغفر لكم ذنوبكم عند لقائه ..

واتمنى من المراقبه تثبيت الموضوع حتى تعم الفائده على الجميع … تحياتي لكم .