السلام عليكم بنات ,,
اتمنى من كل قلبي اني القى الحل عندكم بعد الله سبحانه ,,
سمعوا قصتي من بدايتها
قبل تقريبآ 3شهور اتصلت ام ريلي على ولدها البجر اللي اهو ريلي وقالت بروح وياك العمرة
وافق وقال ان شاءالله آنا وياج وفلانه << اللي اهي المتعوسه آنا 
قالت لا خلها تقعد عند عيالها << ولدين الله يحفظهم 3سنين وسنه ونص
واذا رديت آنا وياك خلوا عيالك عندي وروح انت وياها ,,
ريلي تضايق شوي كان بخاطرة يعمرني خاصه انه من خذاني مااعتمرت وياه , بس
هونت عليه الأمر وعدت السالفه وراحوا بالسلامه 5 ايام وردوا ,,
عقبها خالتي اساسآ كلا راسها يعورها ومريضه واستحيت اروح العمرة واخلي عيالي عندها
خاصه انها ماقالت يلا روحوا وخلوا عيالكم عندي مثل ماوعدتنا بالأول ,,
ياني ريلي وقالي اشرايج نروح العمرة آنا وياج ويوسف<< ولدي العود
ونخلي الصغير والخدم عند امي قلت اوكي ,,
درت امه وقالت لااا مستحيل تاخذون يوسف معاكم يضيييع شيوديه يااهل وحزتها كان راسها وااايد
يعورها مسكينه يمسكها راسها بالثلاث ايام الله يشافيها ياارب << واستحيت اخليه عندها لأنها ماقالت
مرت الأيام وكنسلنا الروحه لظروف
اليوووووم ياني ريلي وقالي امي اتصلت علي وتقول امشوا معاي العمره انته ومرتك !
قلت له زين وعيالي ؟ جان يقول امي تقول نخليهم ابيت ابوي عند ابوي والخدم ماعليهم<< خدمهم من عمر ريلي وامينين
قلت له بس يوسف متعلق فيني وفيك وبيدته اذا مالقى احد فينا يبجي ومومتعوده اخليه مع الخدم بروحه؟
جان يقول: امي تقول ابوي عنده وكلها 5 ايام ,,
قلت له تدري ؟؟
دام امك بخاطرها الروحه خلاص روح انت وياها , قال حرام عليج تخلينها بخاطري !!!!
امشي معانا ولاتكبرين السالفه واليهال ماعليهم ,,
قلت لااه ؟
ماعليهم ؟
عيل ليش بالأول مارحت
معاكم ؟؟
وصار كلام بيني وبينه وزفني ,, رحت الحمام ابجي
وهو طلع ضايق خلقه
واي ماسوت علي هالعمره استغفر الله
بنات آنا غلطانه ؟
مواللي اوله شرط آخره نور ؟؟
اهي قعدتني لما راحت اهي وريلي
على اساس عيالي ماعندهم احد , والحين عادي اروح معاهم وعيالي يقعدون !!!! وين المنطق ؟
ساعدوني الله يخليكم وعطوني حل ,, مستحييل اخلي ولدي يقعد لا آنا ولا ابوه ولا يدته
وان مارحت بتصير سالفه
ملاحظه: امي متوفيه الله يرحمها وخواتي الله يحفظهم كل وحده متزوجه وبيت حمولتها
عشان لاتسائلون بس
السلام عليكم بنات ,,
اتمنى من كل قلبي اني القى الحل عندكم بعد الله سبحانه ,,
سمعوا قصتي من بدايتها
قبل تقريبآ 3شهور اتصلت ام ريلي على ولدها البجر اللي اهو ريلي وقالت بروح وياك العمرة
وافق وقال ان شاءالله آنا وياج وفلانه << اللي اهي المتعوسه آنا
قالت لا خلها تقعد عند عيالها << ولدين الله يحفظهم 3سنين وسنه ونص
واذا رديت آنا وياك خلوا عيالك عندي وروح انت وياها ,,
ريلي تضايق شوي كان بخاطرة يعمرني خاصه انه من خذاني مااعتمرت وياه , بس
هونت عليه الأمر وعدت السالفه وراحوا بالسلامه 5 ايام وردوا ,,
عقبها خالتي اساسآ كلا راسها يعورها ومريضه واستحيت اروح العمرة واخلي عيالي عندها
خاصه انها ماقالت يلا روحوا وخلوا عيالكم عندي مثل ماوعدتنا بالأول ,,
ياني ريلي وقالي اشرايج نروح العمرة آنا وياج ويوسف<< ولدي العود
ونخلي الصغير والخدم عند امي قلت اوكي ,,
درت امه وقالت لااا مستحيل تاخذون يوسف معاكم يضيييع شيوديه يااهل وحزتها كان راسها وااايد
يعورها مسكينه يمسكها راسها بالثلاث ايام الله يشافيها ياارب << واستحيت اخليه عندها لأنها ماقالت
مرت الأيام وكنسلنا الروحه لظروف
اليوووووم ياني ريلي وقالي امي اتصلت علي وتقول امشوا معاي العمره انته ومرتك !
قلت له زين وعيالي ؟ جان يقول امي تقول نخليهم ابيت ابوي عند ابوي والخدم ماعليهم<< خدمهم من عمر ريلي وامينين
قلت له بس يوسف متعلق فيني وفيك وبيدته اذا مالقى احد فينا يبجي ومومتعوده اخليه مع الخدم بروحه؟
جان يقول: امي تقول ابوي عنده وكلها 5 ايام ,,
قلت له تدري ؟؟
دام امك بخاطرها الروحه خلاص روح انت وياها , قال حرام عليج تخلينها بخاطري !!!!
امشي معانا ولاتكبرين السالفه واليهال ماعليهم ,,
قلت لااه ؟
ماعليهم ؟
عيل ليش بالأول مارحت
معاكم ؟؟
وصار كلام بيني وبينه وزفني ,, رحت الحمام ابجي
وهو طلع ضايق خلقه
واي ماسوت علي هالعمره استغفر الله
بنات آنا غلطانه ؟
مواللي اوله شرط آخره نور ؟؟
اهي قعدتني لما راحت اهي وريلي
على اساس عيالي ماعندهم احد , والحين عادي اروح معاهم وعيالي يقعدون !!!! وين المنطق ؟
ساعدوني الله يخليكم وعطوني حل ,, مستحييل اخلي ولدي يقعد لا آنا ولا ابوه ولا يدته
وان مارحت بتصير سالفه
ملاحظه: امي متوفيه الله يرحمها وخواتي الله يحفظهم كل وحده متزوجه وبيت حمولتها
عشان لاتسائلون بس
وولدج خليه عند عمج الي اهاو ابوه مثل ماقال ريلج اول شي بيبجي ولدج بس لازم يتعود لي متى كلهم جذي اليهال وقوليله انج بتييبيله هديه ومن هالحجي ساحليه وبس
روحي اعتمري دام هالفرصه يت ماتدرين بعدين اشلون الظروف بتكون واهوا موبيد غريبه عن ابوه وفي خدم امينين عارفتهم عدل مثل ماقلتي خلاص عيل
والله يوفقج يسهل عليج
انزين زعل ريلج راضييه ولا جنه اذا قال للج بخاطري وجذيه قوليله حجتي وعمرتي بعياليييييي
انا امجابله اولدي انزين جنه امسويه عمره
ومابيك تحرمني من هلعمره الي انا قاعده الحين فيها
انتي وريلج حاولوا تكلمون خالتج انها تقعد مع اليهال وتقنعوها بالقعده لانه ماتقدرون تخلون اليهال عند يدهم
لكن اذا مارضت قعدي ولاتروحين معاهم واصري على موقفج وبتلاقينهابعد فتره تقولكم خلاص روحوا وخلوا اليهال عندي انشالله
ماشاءالله انتو 3 كبار اكيد بتقدرون على اليهال والسفره مابتطول اكثر من اسبوع اذا ماني غلطانه فروحو كلكم وسهالات ان شاءالله
يعني مافي مجال تاخذينهم معاج حتى بو 3 سنين حرام ابيتعب
وترى ما أشوف أي غلط سويتيه بالعكس الحق معاج إعيالج أولى خصوصا انهم صغار
خليهم يتوكلون بالسلامه وعسى الله يتقبل منهم ,وانتي قعدي عند عيالج وربي يرزقج العمره ان شاءالله
حاولي يقللون المده
من حقج تخافين عليهم بس هم العمره شي حلو مايتطوف فرصه والله دام عمرج مازرتي المكان انا ميته واروح احد يطوف هالفرصه روحي وان شاءالله عيالج كلها جم يوم وتردين لهم اشتريلهم العاب يديده وفهميهم شنو بتسوين
بس امه مادري ليش ماتقعد عندهم يعني
استخيري وشوفي
حبيبتي عيالج انشاء الله ما عليهم دام انهم عند جدهم بس اذا انتي تحاتين قولي الزوجج يخلي السفره ثلاثة ايام علشان ما تحاتين
وبعدين زوجج حاب يونسج ويوديج العمره لا تضيقين خلقه وانتي قبل لا تسافرين قولي اللهم اني استودعك ابنائي والله انشاء الله راح يحفظهم لج سبحانه وتعالى الذي لا تضل ودائعه
ريلي لما قلت له عمرتي بعيالي ماني رايحه ماااارضى ولزم الا ارووح
وخالتي راااافضه اني آخذ عيالي معاي
الحل الاخير: قلت لريلي روح انت وامك واذا رديت ودني العمرة
خالتج في منزلة امج
انت ازين ليش ما تخلين اليهال عند الوالدة وا احد من خواتج او حت حمواتج ما فيها شي وعلى قولت ريلج كلها 5 ايام وبتردون
روحي واستانسي وعسى ان تكرهو شيء وهو خير لكم
يمكن فرصة تقربين من خالتج تدعليج انت وريلج وعيالج والله يستجيب منها
وعمرة مقبولة مقدما وموفقه اختي