((( ســـــلام اللــــه )))

سلام الله على اللي لالقيته يعتريني هيام

وأحس برعشة بقلبي إذا عيني يناظرها

أنا ضعفي هواه اللي سليط مثل حد حسام

صباي وقوتي والغي في يده مكسرها

خذاني بطفرتي والحب قيدني بليا خطام

سرق صافي هواي ومابقى عندي مبعثرها

ألا ياليتني وياك لوحه في يد الرسام

يشكـلها يلـونها عـلى كيفـه يصـورهــــا

أبيه بريشته يجـمع خيالينا بحد حـزام

أبي يـدمج جـسد هذا على هذا وينــثرهـا

يلخبطنا ويمزجنا وتبقى لـوحة الأوهـام

وتبقى روحنا وحـده وهو بيده يقـدرهــا

أبيـه يـرشنا بألوان تجمع حـبنا بأحـلام

أبي لاشافنا معجب يعجز أنه يحــررهــا

كذا أضمن غلاه اللي حكمني والهوى ظـلام

وهو الرسـام من حقه يكـبرها ويصغرهــا

……. للشاعره عذبة الروح ……