سكن الزوجية؟؟؟

انا ساكنه بشقه عنونه واحسها ضيجه علينا

انا وبناتي وخدامتي على حمام واحد عزكم الله
وكل مااكلمه بموضوع شقه اوسع….يقول الاجارات نار وانا مااقدر عليها
بس شسوي ناطره يمكن تنزل الاجارت واغير شقتي العنونه
واعيش بشقة الاحلام اللي فبالي
قولو امين

فبيت حمووولتي ودي اطلع لان الدار صغيره انا وولدي وكبته وسريره امبيه الوحده ماتقدر اتمغط بدارها اتحوشين مية شي

انا في بيت اهل ريلي
غرقه و صاله و حمام و مطبخ و مخزن كله اغراض اهله

حاليا ما احس بالضيق لان بس انا وياه بالشقه و ما ندري شيصير مع الوقت
مستعده اتحمل لان في بالي من هالشقه سيدااااا البيت … بيتي اللي ما صار لي الحين لول بس و الله ةجي يصير بيت لي أأثثه و اصبغ و احط كل اللي ودي فيه
الله كريم ادعوولي

انا ساكنة عند حمولتي غرفتين وصالة وحمام ومطبخ

احنا لازم نقلب هالموضوع للدعوه حق بعض في بيت العمر والله يفكنا من الضيج اللي احنا فيه .. قولوا امييييييييين … بالنسبه لي مأجره دور بس هم احس بالضيج يعني الغرف صغار بس الحمدلله على كل حال وشي احسن من شي مع انه الاجارات تذبح .

عسى الله يرزقكم بالشقق اللي تحلمون فيها ويوسع عليكم يااااااااااااااااااااااااارب

انا قصتي قصة
كنت مأجرة, بعدها بجم شهر انتقلت الي بيت حمولتي, و بعدها ب10 شهور عزلنا من بيت اهله و احنا مؤقتا ساكنين بشقة مفصوله في بيت ابوي و امي الله يخليهم لي, لحد ما اتجه للايجار مرة ثانية لان الشقة حييييييل ضيجة علينا مع ان ليلحيل الله ما رزقنا بالعيال, ثلاثة ارباع اغراضي محطوطين تحت عند اهلي, مافي مجال احط شي هني, و يا رب انشالله يطلع لنا بيت عن قريب